影片
更多
2020-12-28
400 瀏覽
今日一心諗住同男朋友去大棠睇紅葉，喺形點就見到呢一間一人一鍋藥膳養生鍋。之前喺荃灣食過男朋友好鍾意佢個湯底，所以今日再嚟一戰。餐廳一入去，已經提供口罩紙袋俾我哋放口罩，然後又會好仔細咁樣講個餐牌俾我哋聽！今日叫左一個藥膳椰子青雞湯同藥膳花雕清雞湯。先講椰子湯，好清甜（建議一嚟就飲幾啖）服務員加湯嘅時候都係加椰子水架！至於藥膳花雕清雞湯第一啖好有酒味，但一路滾就越嚟越甜，酒味都揮發晒！208套餐，包左肩胛肉眼牛肉片同埋西班牙冇激素豬肉片！牛肉都幾薄，唔多雪花，食落都有牛味，反而西班牙嘅豬肉片我食得仲多，佢有少少似腩肉片咁樣，嗰一層豬肉皮幾有口感，而且唔硬唔鞋！到出邊可以任拎嘅食物啦，有幾款起平常火鍋店都好少見，包括八吋長蟹柳棒，墨魚台灣腸，萵筍，大大件雞脾肉切件，沙茶牛肉同蟲草花都係我大力推薦！雞髀肉好爽口，咬一啖已經可以肉骨分離，沙茶牛肉雖然冇咩沙茶味，但佢勝在夠淋又厚肉！（至於蟲草花梗係可以一開始就放落個湯底俾佢滾啦）飲品同甜品更加出色，真係包羅萬有。滋潤嘅有竹蔗茅根，蜂蜜雪梨，養生嘅有解茶，牛蒡茶，韓國麥茶，想gur氣又有好多款汽水俾你揀！雪糕除咗有雀巢雪條之外更加有movenpi
餐廳一入去，已經提供口罩紙袋俾我哋放口罩，然後又會好仔細咁樣講個餐牌俾我哋聽！
今日叫左一個藥膳椰子青雞湯同藥膳花雕清雞湯。先講椰子湯，好清甜（建議一嚟就飲幾啖）服務員加湯嘅時候都係加椰子水架！至於藥膳花雕清雞湯第一啖好有酒味，但一路滾就越嚟越甜，酒味都揮發晒！
208套餐，包左肩胛肉眼牛肉片同埋西班牙冇激素豬肉片！牛肉都幾薄，唔多雪花，食落都有牛味，反而西班牙嘅豬肉片我食得仲多，佢有少少似腩肉片咁樣，嗰一層豬肉皮幾有口感，而且唔硬唔鞋！
到出邊可以任拎嘅食物啦，有幾款起平常火鍋店都好少見，包括八吋長蟹柳棒，墨魚台灣腸，萵筍，大大件雞脾肉切件，沙茶牛肉同蟲草花都係我大力推薦！雞髀肉好爽口，咬一啖已經可以肉骨分離，沙茶牛肉雖然冇咩沙茶味，但佢勝在夠淋又厚肉！（至於蟲草花梗係可以一開始就放落個湯底俾佢滾啦）
飲品同甜品更加出色，真係包羅萬有。滋潤嘅有竹蔗茅根，蜂蜜雪梨，養生嘅有解茶，牛蒡茶，韓國麥茶，想gur氣又有好多款汽水俾你揀！雪糕除咗有雀巢雪條之外更加有movenpick既甜品杯，仲有日本沖繩雪糕等等，真係款款都10分吸引！（最想讚餐廳嘅係佢有一個恆溫櫃，啱晒啲唔鍾意飲太凍嘅嘢女仔！)
最後仲好想講一講佢嘅自助調味區，佢哋有自家製嘅火鍋醬油（完全唔咸），仲有燒肉汁，胡麻醬俾你揀！仲refill 得好快手不過如果餐廳能夠為我哋提供生熟筷子打邊爐的話會更衛生！
張貼
