馬祖 (形點 I)

營業中

休息中

今日去開元朗搵食嚟到YOHO，突然想食吓醉雞麵，咁就去呢間食啦叫咗個藥膳醉雞湯米粉米粉都幾好唔錯，雞塊都嫩滑，醉味就一般啦，唔係太濃，58蚊價錢黎講算係好好了另外叫咗個黑糖冬瓜茶，唔太甜幾好飲，啱晒食醉雞麵

馬祖台灣湯麵，主打任食自助火鍋，之前食過火鍋都唔錯，一人一爐。不過今日唔想食咁飽，餐廳有好多款湯麵套餐，價錢由$56起，飲品就另加錢。🥢藥膳養生湯農場雞新竹米粉🍜$56藥膳湯底有很多紅棗，感覺好滋補，湯底好飲，唔會有過重藥材味，仲有幾件農場雞件大大件，肉質嫩滑，新竹米粉都份量大，食得飽飽好滿足。🥤柑桔檸檬特飲（凍）+$8一樣大大杯柑桔檸檬味道夠唔會淡茂茂，仲好多冰夠晒凍冰冰。另加一服務費是日消費$70

今次去咗‘馬祖’外賣自取晚餐，叫咗個‘’黎試吓我用咗唔同嘅角度去分析一下今次嘅餐飲體驗。份量：偏細份，但係都夠食嘅味道：味道都唔錯，係藥膳泡飯味新鮮度：估唔到啲雞好新鮮有雞味鹹度：唔算好鹹油度：正常油餐飲：沒有包含上餐速度：相當快速三至5分鐘就整好成個餐店員態度：對答態度良好店內環境：裝修新淨企理交通地理：位於YOHO Mall來交通10分方便付款方法：八達通人均消費：大約$60改善方案：如果份量多啲，多啲配菜更加好下次希望試吓生薑豚肉香蔥海苔燒汁飯～

食到最後甜品 食到一半 都要催我出去收銀埋單 用膳時間仲有35分鐘 當時9:51分 員工coffee 行埋黎 要我地埋單 當時甜品食緊 本來食完出去埋單走人 。問佢我地夠鐘離場？ 佢答 要到收銀比左錢先7百幾蚊埋單食澳牛既服務質素 冇下次喇

推住BB車而又可以放埋架BB車一齊食既餐廳真係唔多選擇🙇🏼‍♂️🙇🏼‍♂️因為好多餐廳都要收起架車放係出面🙇🏼‍♂️🙇🏼‍♂️Yoho Mall既馬祖就方便到要照顧埋BB既食客❤️午市唔食火鍋可以選擇單點麵食👍🏻都幾多選擇👍🏻自選麵套餐😁😁一個湯底一個麵底加2個餸👍🏻藥膳麻辣湯(小辣）油麵，濃汁手作牛丸(3粒）+ 白菜豬肉餃（3粒）$57麻辣湯小辣唔算好辣，冇乜麻嘅感覺，藥膳味唔夠出，但整體個湯都好飲嘅👍🏻油面唔錯，冇乜油益味👍🏻👍🏻韌度啱啱好👍🏻白菜豬肉餃可以唔洗試，個人認為超級普通冇乜特別🙇🏼‍♂️牛丸必食推薦🔥🔥超好食，咬開真係有汁滲出來👍🏻👍🏻藥膳養生清雞湯 新竹米粉，台灣花枝丸（3粒）+墨魚春卷（4粒）$56藥膳味好出❤️新竹米粉 爽口韌度岩岩好👍🏻花枝丸同墨魚春卷好好食🔥🔥必食推薦🔥🔥***套餐熱飲+$6，凍飲+$8總結：馬祖麵食套餐抵食又唔太差👍🏻👍🏻$5x起👍🏻地方闊落，BB車入埋冇難道🫶🏻🫶🏻

食物質素唔錯，環境舒適，食物種類及數量都很多。但服務態度就……，尤其是門口帶位個主任，完全唔識帶位，一時又話跟時間入先，一時又話跟人數入先，睇住遲過自己攞票都食得津津樂道時，但自己仲喺門口等待中，難得有大枱空出，佢寧願拆散，都唔比較早等待的食客。總之就係隨佢喜好，等到發火。反正門口係佢企，我就寧願揀第二間。牛肉質素性價比高，都有多款類別嘅食物在冷櫃任揀。飲品方面都多選擇，最窩心係有個暖櫃放左幾款飲品，唔飲得凍飲的人士多一個選擇。

元朗馬祖台灣養生湯麵館.味道：6.5/10🌟抵食：7/10🌟環境：7/10🌟.開咗好多分店主打養生嘅米線究竟好唔好味👀今次小編就叫咗佢招牌嘅藥膳養生湯農場雞米線🍜雞肉比較嫩，有齊雞髀、雞胸、雞背，味道正正常常😋米線，最重要就係湯底，呢度嘅湯底藥材味唔重，但總體有啲太甜🍬應該唔會番轉頭😂.#香港 #食評 #foodie #食好西 #instagram #香港好去處 #香港美食 #打卡 #拍拖好去處 #元朗 #元朗好去處 #元朗打卡#米線 #元朗米線 #養生 #馬祖台灣養生湯麵館

話說有日請我妹妹食飯，就yoho商場食個便飯，見到呢間台式火鍋非常吸引就決定入去光顧   餐牌都幾多選擇，全日放題一共有6款套餐選擇，豐儉由人。餐廳使用的牛肉比較多來自美國及日本，有一定質素保證，我們決定要美國Prime Grade 極上牛頸脊及西班牙伊比利亞黑毛豬放題套餐。餐廳先上一盒美國Prime Grade 極上牛頸脊，肉質新鮮，顏色和肉紋路非常漂亮。肉質唔會太肥煮熟亦都不會口感太柴，一直不停單點此牛肉滿足大口吃肉的滋味。此外，牛肉仲有Prime Grade 牛肩胛肉選擇，牛肉顏色都非常鮮紅，基本是即叫即切。煮熟的Prime Grade牛肉和普通牛肉有明顯分別，筋腱位非常少，牛味極濃。而且煮熟後不會散架，入口即溶。湯底有11種選擇，如果是有辣味湯底可以選擇辣度。我們點了加10元藥膳台灣麻辣鴨血凍豆腐湯底，喜歡鴨血的朋友一定必點!而且湯底使用百頁豆腐，有台灣火鍋的風味，吸收湯汁的百頁豆腐口感非常棒。自助夾菜區比其他火鍋放題餐廳豐富很多，肉丸、蔬菜、菇類、烏冬及台灣獨有的王子面邊一樣都唔缺。偶然豬牛肉吃滯了都可以煮蔬菜解肥膩。放題的飲品選擇也不少(紙包和罐裝飲品差不多都有10幾款選擇

話說 👧🏽 同朋友係元朗𝒀𝒐𝒉𝒐速食午餐，推介下去食藥膳米線 🍜 原來仲有午市打邊爐，款式選擇都多，可惜趕時間無緣一試藥膳養生湯農場雞 🥕 湯底鮮甜，但愈飲愈甜；另外可以免費轉米粉再健康點 🥦 另一碗藥膳香辣蕃茄農場雞 🍅 下單時已經點少米但份量依然多，頭湯濃濃蕃茄味，感覺似落左茄膏 🤔 農場雞口感老雞般嚡熠熠跟餐小食追加藥膳上湯墨魚春卷，湯底一樣，春卷彈牙但食唔出墨魚味道😓位置大型商場裡的午市套餐，追求溫飽的話，性高比算高 🤭 當然可以有更好選擇的！

超級鍾意食馬祖….佢啲湯底超級鮮甜…每次我一定會叫藥膳蟲草花雞湯..其實除咗打邊爐午餐我都會食佢…因為好似好養生🤣🤣..另外我哋再叫椰子雞雞湯啦，壽喜燒湯底椰子雞雞湯第一次食原來都幾好味喎！我諗下次我都會叫佢！清清甜甜不錯嘅選擇！而且牛肉同豬肉都好相當唔錯～配料都非常多選擇…特別一提，嘢飲方面真係超級好！因為本身我都係一個好養生嘅人～唔係好鍾意飲凍飲～佢哋有暖嘅嘢飲 相當之細心！餐廳空間寬敞 而且職員服務都好友善👍👍

我好懶從未寫食評，但呢間野難食到我要花時間上黎寫！尋晚一行5人去食晚市邊爐，其中三人個湯底叫麻辣鴨血豆腐，一黎到已經覺得好鹹，頂硬上食左d肉，食食下攪唔掂叫職員加加水，湯底由半滿變滿，點知加左一樣好鹹！！再食多幾啖已經成個人都唔舒服，想食都無辦法再食落去！！另外2個人叫椰子雞同麻油雞，情況有好d但都唔值個價。最後食左一個鐘都唔夠我地就走左，因為根本放唔入口呀😔呢間野根本浪費時間同金錢☹️，唔會再有下一次

馬祖最近開咗分店喎！就喺元朗YOHO嘅形點 I 樓！「馬祖台灣養生湯麵館」！佢地最新推出嘅小火鍋係有12款，最特別的分別係台灣藥膳麻油雞湯底同埋爆漿熔岩芫茜湯底！又有新嘢食啦！佢地嘅小火鍋真係好抵食，90分鐘放題，起價只係$183！唔係開玩笑！而且如果你喺下午5:00前離座，每位仲可以減$20呀！咁抵，真係要好好把握呀！我哋今次揀咗兩款湯底，分別係台灣藥膳蟲草花桃膠雞湯同埋台灣藥膳花雕清雞湯。個湯底好濃郁，真係好好味！而且配肉非常鮮嫩，令人一試難忘。我哋選咗Prime Grade牛肩胛肉放題套餐，每人$223，但係佢地嘅肉質真係好好，非常嫩滑。仲有啦，佢地嘅配料都非常多元化，有西班牙無激素豬肉片、台灣沙茶牛肉、精選雞腿肉同埋深海魚柳等等。而且仲有Mövenpick雪糕同埋超過30款火鍋配料同埋15款飲品任食！真係唔使擔心飽唔飽啦！「馬祖台灣養生湯麵館」嘅小火鍋真係非常抵食，而且湯底同埋肉質都非常好味，配料亦都豐富多元化。如果你係元朗玩，咁就一定要去試下啦！ 馬祖 (形點 I) (元朗)元朗朗日路9號形點 I L2樓2041號舖#馬祖 #小火鍋 #元朗食評 #湯底 #肉質 #配料 #抵食

之前吃過將軍澳及荃灣西站的馬祖店，今天就到了元朗yoho的分店，朋友說午巿餐的話，下午5時前離座還可減20元呢，而且由90分鐘升級到120分鐘任吃任喝，真的非常足夠了。一直喜愛的台灣藥膳養生火鍋，有十來款，真的總有一款會適合你，而且大人小朋友也可以吃呢最後點了這2款：藥膳椰子清雞湯先試一口湯，椰子味道非常清甜，忍不住多喝2口才開始下鍋，食物也像提升了甜的味道藥膳番茄麻辣湯 小辣濃濃的味道帶點點辣，不嗆而且回味，加上蕃茄味道，個人來說大愛這湯底，帶點甜的。辣的話只有2款，另一款是藥膳台灣麻辣湯，下次來必試試午餐點選了 Prime Grade 牛肩胛肉放題套餐，也可點西班牙無激素豬肉下單後先各上2盤，職員說吃完可再添加更介紹說可到自助區取其他菜類，丸類，其他食品，種類非常多我也添了3次滿滿的回座位享用醬料區也可調製自己喜愛的火煱醬汁飲品櫃更有十多款不同飲料最後不能少的甜品櫃上的雪糕，冰條等等職員們也很留意枱上肉類，湯水夠不夠，常主動過來添加，值得一讚呢這3間分店我也試過啊1.台灣馬祖養生湯麵館 (元朗)元朗朗日路9號形點一期2樓2041號舖2.馬祖 (將軍澳廣場) (將軍澳)將軍澳唐德街1

Yoho mall的火鍋店有好幾間其中最常光顧的便是馬祖套餐價錢合理湯底又啱口味仲有勁多飲品選擇連雪糕都任食真係無敵🥢牛肩胛肉放題套餐$223/位個餐包括Prime grade 牛肩胛肉西班牙無激素豬肉片仲有其他自助區嘅食品🥢台灣藥膳麻油雞湯自己點左呢款湯底個湯真係幾香淥出嚟嘅肉都帶有一陣麻油香👍🥢日本壽喜燒湯朋友就叫左壽喜燒湯底甜豉油同肉好夾㗎自助區有各式丸類、蔬菜等哈哈 竟然有芫茜燒賣😆仲有讚岐烏冬又滑又彈牙👍大量韓式同港式飲品任食嘅雪糕有Movenpick、Coco berry等而家有120分鐘食食飽飽仲有大把時間食甜品😋

馬祖位於元朗形點 I 2樓，環境舒適整潔。餐廳的主打是多款台式藥膳湯麵和不同的高質肉類火鍋，任食不同多款食材、甜品及飲品。餐廳的湯底之一是藥膳椰子清雞湯，口感非常鮮甜可口，讓人一口接著一口地喝，回味無窮。其中令人印象深刻的食物是Prime Grade牛肩胛肉放題套餐，都只需$223，就可以任食美味的Prime Grade牛肩胛肉和西班牙無激素豬肉片，絕對物超所值。Prime Grade牛肩胛肉肉質鮮美多汁，有良好的紋理和脂肪分佈，口感細膩，非常適合火鍋。這裡的自助吧擺滿了各種火鍋食材，從蔬菜、肉類、魚丸、台灣腸、蟹柳、貢丸等等應有盡有，琳琅滿目的火鍋食材讓人目不暇給。此外，餐廳還有多種調料供應，可根據個人口味自行調配。在飲品和甜品方面，馬祖提供了大量的飲品以及雪糕，如Dreyer's 雪糕和MÖVENPICK雪糕供客人自取。特別值得一提的是MÖVENPICK雪糕，口感細膩，味道濃郁，為這次火鍋之旅畫上完美句號。總結來說，馬祖餐廳的火鍋美食和環境都讓人滿意。馬祖不僅提供了美味的台式火鍋，還有各式各樣的火鍋食材可供選擇，加上舒適的環境，很適合與家人和朋友一起享受美食。