河內越式料理 (村南道)

營業中

休息中

放工肚餓心急開餐，去咗公司附近食越南粉，我哋點咗極品牛三寶湯河、越式香茅豬扒撈檬、小食叫咗香茅雞翼和越式豬頸肉，飲品有比較少有的羅望子冰及蜂蜜柚子梳打。極品牛三寶湯河三寶有生牛肉、牛𦟌、牛丸，越南粉配上九層塔和洋蔥等香料，更添層次感，而且湯頭夠熱，河粉滑嘟嘟，好好味。越式香茅豬扒撈檬加埋撈檬汁一齊食味道提升，香茅豬扒醃得入味。香茅雞翼超多香茅好夠入味，外皮香脆肉質軟滑。越式豬頸肉豬頸肉燒得香脆，肉質夠腍。羅望子冰味道有啲似酸梅湯，酸酸地特別開胃。蜂蜜柚子梳打好清新的梳打飲品，解渴一流。