麻市滋味館 (已結業)

今日同朋友去左一間係佐敦炮台街既麻市滋味館，整體黎講，食物幾有鑊氣而且處理得唔錯，都算幾好食。酒香鴨舌前菜叫了酒香鴨舌開下胃，份量都幾多下，鴨舌同爽脆既青瓜都醃得好入味，酒香滿溢，味道微辣，食得好過癮。燒汁牛肋條呢個上枱既時候，餐廳既伙計已經讚不絕口，我見佢個樣平平無奇，對佢也沒什麼期望，點知一食，勁surprise, 好有好有牛味！牛肋條起咗骨，肉質嫩滑到不得了，非常好食，大力推介。豉椒炒蟶子皇蟶子皇係出面既水箱揀完就送入廚房煮，size非常大，所以四個人只叫了三隻，炒埋一碟份量便已經好多了，要剪開先方便食，食落非常彈牙新鮮！紅燒乳鴿乳鴿size都頗大，兩隻已經夠4個人食，鴿子外皮酥脆，肉質嫩滑，都係必叫既菜式。ps. 如果去到餐廳唔知食咩好，就睇餐廳牆上既推介，都係最好既選擇。