火鍋撚 (日富里百好大廈) (已結業)

呢幾日開始涼咗好多🌬入冬之際最啱就係打個暖笠笠既邊爐！🫕🔥講到邊爐一定係我最愛既火鍋撚 ！今次一行二人第一次黎到西環旗艦店，主要目的就係西環店有限定既招牌豬肚雞鍋🐥🍲 其他分店都係冇㗎😌一坐低即刻叫咗呢個招牌菜，大約等咗15分鐘左右，雞鍋終於到啦😍雞鍋用上成隻上等三黃雞，釀入胡椒豬肚，配上用中藥熬製既濃湯，滋補養陰，冬天飲完成身都暖晒🥰 店員悉心幫我地處理好雞肉同豬肚方便我地食，飲完雞湯就可以開始打邊爐喇！呢度火鍋配料嘅份量都可以叫全份/半份，有半份選擇就算2個人黎都可以識好多種類👍🏻 御用手切肥牛、極品安格斯肥牛、脆鯇魚腩、肥美鵝腸、響鈴卷、香菇貝鮑鮮滑、韭菜餃、皇帝菜同稻庭烏冬，大部份食物都好新鮮好有水準，而我最鍾意梗係佢哋嘅鵝腸同埋脆鯇魚腩，真係好鮮味！🤤🤤最後店家送上芋圓甜品，為呢頓出色嘅晚飯畫上完美嘅句號🥰 火鍋撚一直喺我心目中食物質素都唔錯，價錢合理，評價甚高。