Mr. Crab by The Captain's House (已結業)

見好多人介紹the captain’s house，今晚終於同男朋友去試吓，叫咗一個二人餐，$688有好多海鮮食，都幾抵㗎！包一個海鮮拼盤袋，一個前菜，一個主食，仲有兩杯紅酒/白酒。海鮮拼盤袋有多種選擇，包括蝦/小龍蝦/馬尼拉蜆/八爪魚仔/海蜆/翡翠螺/藍青口/墨魚仔，二人餐包其中三款。我哋揀咗翡翠螺、青口、墨魚仔。醬汁方面揀咗檸檬牛油汁，聽講呢個係最多人叫！侍應喺我哋面前將個袋搖勻，打開發現原來裏面仲有配菜㗎，包括腸仔、薯仔🥔、粟米🌽，索晒啲汁好好味㗎！講返海鮮，冇諗過翡翠螺咁好食，好爽好彈牙，一啲都唔韌。青口都OK大隻。墨魚仔啲腳掛滿晒醬汁，特別好食。下次真係要試埋其他海鮮先得。前菜我哋選擇左法式煮青口，揀左龍蝦濃湯🦞🧡，食每隻青口都可以啜埋啲湯，用埋黎點蒜蓉包就更加正！主食方面叫左蟹肉蟹膏南瓜意大利燉飯🦀，好好食咖呢個risotto比我想像中。因為蟹膏味好突出但唔會好漏，成個飯好Creamy好香好軟糯。