楚撚記大排檔 (馬頭圍道) (已搬遷) 新店位置

一直聽人哋講楚撚記好好食，下定決心提早咗幾日book枱試下，同男朋友嗌咗幾個餸share嚟食，整體感覺好唔錯，下次等我試埋個黑松露魚餅。 西檸煎軟雞 呢個西檸雞色澤好靚，金黃色，切到細細件， 雞食落好嫩滑，仲有少少汁，食落juicy， 帶少少酸味，咁樣好開胃好送飯。 紅燒bb鴿 雖然聽落會好細隻，但其實都ok呀，切開咗四件，外皮紅燒到好脆，肉都幾嫩，夠香口 蜜椒薯仔牛柳粒 最愛係呢一個薯仔粒，所有嘢都balance得啱啱好，蜜糖味好濃，薯仔切到細細粒，咬落夠淋同埋好綿，牛柳粒一啲都唔韌，仲好有牛味。 最後仲送埋甜品，個蕃薯糖水正，好綿👍整體嚟講呢間幾出色，下次一大班人聚會我都會推介！！