八鍋堂．中日火鍋專門店 (已結業)

今天特意去試吓四格湯底，一次過滿足四個願望。當中嘅番茄濃湯非常濃郁，飲一啖湯好似食緊啖啖蕃茄肉咁。火鍋嘅醬料有多款，超過十種醬料自由混醬，當中有我最鍾意嘅辣椒粒。首先就叫咗一啲刺身，包括甜蝦、三文魚同埋鮑魚片等等，當中嘅甜蝦好大隻，而且好鮮甜。還有一些熟食串燒，例如天婦羅蝦、燒秋葵、煎餃子🥟同埋燒大蝦等，大蝦燒得好香口，而且蝦肉好爽滑。火鍋配料有幾十款選擇，蔬菜、肉類、丸類一一擺放好，而且蔬菜有我最鍾意嘅油麥菜，好大棵，而且非常新鮮。仲有蝦滑，自行將蟹籽同埋蝦滑攪勻佢放入火鍋入面，幾分鐘後已經食得，食落去好爽口，而且仲食到細細隻蝦肉添，非常足料。飲品方面都係以自助形式提供，當中有不同嘅啤酒、汽水等等，仲有樽裝涼茶系列。最後仲有甜品雀巢雪糕杯同埋紅豆牛奶奶凍，牛奶奶凍食落去質感非常絲滑，而且口感軟綿綿。食埋甜品之後，已經非常飽了。