養心殿台式養生鍋 (已搬遷) 新店位置

今次係我第一次食養心殿，本嚟以為過咗冬天會冇乜人打邊爐，估唔到我哋嚟呢日都坐咗八九成客，感覺上會係好食嘅。店內設計都有台灣風味。坐低第一件事當然係揀湯底，我哋揀咗雙拼：麻辣＋酸菜白肉。講下個湯底先，一嚟到就試咗兩啖酸菜白肉湯底，飲得出係真材實料。湯底本身有嘅材料都好入味，仲有QQ寬粉條，要趁早食。麻辣我哋揀咗中辣，覺得還好，可以接受到，仲免費追加咗一份鴨血。我哋叫左2份菜2份肉，仲有啲丸類，雖然價錢都比較偏中高，但我覺得份量對得住個價錢的，當然質素都係非常好，性價比都係高的。湯底同食材都好高質，好難得打邊爐我係完全唔用調味醬。食完仲有台式糖水奉送，覺得好滿足。