影片
更多
2017-11-04
2471 瀏覽
友人計劃去九州一趟，但就未確定去北九州定南九州好，相約出嚟食晏兼交流吓，不假思索就想起去中環加州大廈嘅「俺の割烹」，主打賣宮崎食材，幾個月前嚟食過，環境好，質素高。不過，訂枱時始發現原來已經俏俏改咗名，新店名字叫「FUMI」，但環境無變，同樣以宮崎食材入饌。同朋友一邊食，一邊講返小弟年初嘅南九州之旅，一餐飯真喺講唔晒。甫出電梯，就喺餐廳入口，醒起佢哋會有啲宮崎嘅旅遊資料、地圖索取，即時叫朋友拎定先當參考。餐廳只喺改咗名，環境無變，入門口個弧形酒吧依然咁搶眼，而內裡環境寬敞，樓底高，一室金黃摩登，卻唔俗氣。之前嚟喺食晚飯，燈光設定得較幽暗，營造出富情調嘅氣氛，不過，下午嚟就好唔同，一邊落地玻璃，讓陽光透入嚟，感覺清爽。因為嚟食晝，主要都喺對準啲午餐，所以，主餐牌有無點變就不得而知。而午餐都有唔少選擇，例如一啲特定優惠、主廚推介、季節限定、精選料理……等等，明白佢哋喺以靚食材為賣點，所以，定價唔便宜，最平嘅定食起錶價都要$208 + 10%。仲有一點溫馨提示，入座計用餐時限為60分鐘，不過，相信講喺咁講，未必好嚴格執行。雖然定食款式眾多，但嚟得依度，自然以宮崎食材入饌嘅定食為首選啦。而所有
甫出電梯，就喺餐廳入口，醒起佢哋會有啲宮崎嘅旅遊資料、地圖索取，即時叫朋友拎定先當參考。
餐廳只喺改咗名，環境無變，入門口個弧形酒吧依然咁搶眼，而內裡環境寬敞，樓底高，一室金黃摩登，卻唔俗氣。之前嚟喺食晚飯，燈光設定得較幽暗，營造出富情調嘅氣氛，不過，下午嚟就好唔同，一邊落地玻璃，讓陽光透入嚟，感覺清爽。
因為嚟食晝，主要都喺對準啲午餐，所以，主餐牌有無點變就不得而知。而午餐都有唔少選擇，例如一啲特定優惠、主廚推介、季節限定、精選料理……等等，明白佢哋喺以靚食材為賣點，所以，定價唔便宜，最平嘅定食起錶價都要$208 + 10%。仲有一點溫馨提示，入座計用餐時限為60分鐘，不過，相信講喺咁講，未必好嚴格執行。雖然定食款式眾多，但嚟得依度，自然以宮崎食材入饌嘅定食為首選啦。而所有定食，都已經包咗沙律、茶碗蒸、漬物及白飯。
慢火烤宮崎牛丼定食 $288由於友人未去過九州，更加未試過宮崎牛，故推薦友人試試呢款慢火烤宮崎牛丼，嗰時晌宮崎試過啲牛，真喺油脂分佈均勻，燒一燒，脂香四溢。而呢款丼，落單時店員已提醒牛肉會燒烤到七乘熟，問問我哋可有問題，呢個當然合晒友人心水啦。
睇啲宮崎牛外觀感覺已好一流，一片疊一片圍住成份丼，最欣賞喺片片厚薄、大細均一，雖然烤過，隱若仲見到啲雪花紋，分佈細密；中間隻溫泉蛋「震騰騰」盪住啲蛋漿，未食先興奮。
慢火烤宮崎牛丼定食
$288
84 瀏覽
0 讚好
0 留言
小弟試咗幾片牛肉，入口油香就必然，嗰份平均嘅油脂感實在無得輸，唔會咬落一嚿肥膏嘅感覺，而且，肉質確喺細緻幼滑，加上薄薄一片，更加唔覺油膩感。再唔喺，沾少少碗底嘅蘿蔔蓉酸汁，感覺變得輕盈。
厚切吉烈宮崎無激素「丸美豬扒」定食 $218嗰時去宮崎旅行，睇旅遊書最多介紹喺宮崎牛同南蠻雞，豚肉真喺唔多講，所以，當午餐睇見有一款「丸美豬扒」，定價晌咁多款定食中相對低宜，故此就揀呢款定食。
至於我揀嘅丸美豬，賣相就唔及客宮崎牛咁吸引，不過，做出嚟嘅吉列豬扒絕不失禮。啲豬扒雖然喺厚切，但咬落去鬆化到不得了，又有濃濃豬肉味，外層香脆不膩，可見炸功了得，沾點豬扒醬，好味得基本上無咩挑剔。飯粒又綿又黏糯，餐牌更標明隻豬喺無激素，自然食得更安心。
厚切吉烈宮崎無激素「丸美豬扒」定食
$218
52 瀏覽
0 讚好
0 留言
沙律簡單嘅田園沙律，稱唔上特別，不過，沙律菜新鮮爽脆，淋上柚子醋，味道清爽。
漬物有兩小碟漬物，醃青瓜同牛蒡絲，同樣喺口感爽脆、酸香開胃嘅漬物，伴飯一流。
茶碗蒸睇嚟平平無奇，好似一小碗蒸水蛋咁，但蒸得平滑，入口滑溜且富蛋香，下面仲有啲冬菇墊底。
麵豉湯佢哋啲麵豉湯比較清，似用白麵豉，但仍有濃香嘅麵豉味，湯內混有好多昆布，有益健康，豆腐粒亦好嫩滑。
凡享用午餐定食，都有啲加配優惠，+$28可享用指定飲品一杯，而最划算喺+$48享用以飲品一杯及甜品一客。小弟就想試其中一款特飲，而友人就想食杯雪糕，所以，我哋點一套$48加配就可以嘞。
Fuji Honey涼涼秋意想潤吓，就相中依一款以桃蓉、柚子蜜及菊花茶調成嘅熱飲，入口真喺好潤、好清和，微甜而有份滋潤感。
芝麻雪糕甜品選項有3款：抹茶雪糕、芝麻雪糕及柚子雪葩，友人獨愛芝麻味雪糕，芝麻味濃郁富芝麻香，質感軟滑，亦有奶香，相信都喺有品牌嘅貨色。
「FUMI」本身已經喺一家摩登嘅居酒屋，轉咗名相信喺想吸引更多客人上嚟飲吓酒，唔好以為淨喺得日本菜食。離開時，仲見到有啲Happy Hour、Ladies Night之類嘅推廣，加上食材都喺用上日本靚貨，唔介意花多少少錢，嚟依度食飯絕對食得過！
張貼
