就揸架呠呠車入去試下啦 (題外話: 原來平日泊車好平lol)🚙
可能我比較少去屯門市廣場 商場又好大 所以覺得都有少少難搵
建議如果唔識路就問下人位置啦
餐廳所有座位都好闊落好好坐
烤爐嵌入喺檯中間 燒嘅時候唔會彈到周圍都係😌
九宮格燒肉盛盒 💲498
顧名思義就係有9樣燒肉
仲有4件和牛壽司🍣
店員先上4件和牛壽司🍣
即場用火槍炙燒左比我地食
燒完之後油脂滲埋落件壽司飯入面
加少少准鹽一齊食已經好惹味
然後上左個九宮格
店員會幫忙燒左兩塊和牛牛小排
係 勁 大 塊 !😦
每塊都成個爐咁長
油脂好平均咁分怖喺入面
店員仲好細心燒完幫我地剪成細細塊 方便入口
食落有入口即溶嘅感覺
和牛牛三筋😯
呢個部位第一次聽 原來即係牛肩肉內後嘅肌肉
每隻牛得好少架咋
雖然望落油花好似好多
但食落又唔覺得好肥膩
肉味比較重 簡單用准鹽調味已經好正
和牛牛肋肉
即係肋骨之間嘅肌肉
油脂比前兩者較多 相對肉味就無咁重
可以點D燒肉汁黎食
和牛牛舌👅
燒嘅時間好緊要
燒到岩岩熟嘅話 係非常爽口彈牙
豬頸肉🐷
呢部份唔怕燒到個邊燶燶地脆脆地
爽口又惹味
五花肉🐷
食燒肉又點可以無五花肉呢
切得夠厚 食到油脂同肉嘅層次 唔錯
新潟雞肉🐔
肉質嫩滑得黎唔會太油
味噌雞頸肉🐔
平時好少食呢個部位嘅雞肉
原來食落都好嫩
個調味都非常之夾 帶出雞嘅甜味
雞腎🐔
爽脆唔韌
另外仲加左兩杯飲品
沖繩菠蘿梳打 💲36
巨峰提子乳酸梳打 💲42
巨鋒提子比沖繩菠蘿甜 兩杯都好飲
