真秘鍋 (已結業)

天寒地凍，一班朋友，最啱當然係食火鍋。無咩心水就上op 搵餐廳，見呢間評價幾好，一於就試下啦。同行友人唔食得辣，所以嗌左鴛鴦湯底。 楚香麻辣鍋拼山珍百菌鍋。一上枱就聞到湯底勁香。麻辣湯底非常惹味，山珍百菌湯勁多菇，味道鮮甜。火鍋又點少得靚牛肉。嗌左特級牛小排，油脂分怖均匀，口感一流手切牛肉（吊龍伴），牛肉味濃。睇餐牌見到呢到有啲特別嘅蔬菜，之前都未聽過，吃貨又點可以錯過。紅菜苔，外型好得意，食落清甜過菜心，重點係冇渣。台灣水蓮，店員教焯10秒食得，口感爽脆。花生芽，加大版芽菜咁幾得意。呢到食物質素同環境都好好，下次要再嚟試下其他湯底！