真秘鍋 (已結業)

早前，有個週末約了知己好友到旺角，他教我衣著配搭及陪我買衫；所以，當晚我請他食飯！他喜歡食火鍋，我找找 Openrice app，旺角區的火鍋店，我找到位於旺角廣華街百利達廣場1樓的 <真秘鍋>！經 Openrice app 訂座，指定時段可享8折優惠！這裡空間感充裕，另有好幾間 VIP 房，除了火鍋之外，亦可唱 K！ 當晚，我們見到朱慧敏！我們約 6:15 入座，直至 8:00 前依然少食客，店員經過，不時為我們轉碟及舀走火鍋湯浮面的泡沫及油份，相當貼心！當我們想找店員幫我們影相，女店員真係好細心，將啲火鍋配料重整，背景畫面好正呀！我們都好欣賞呢！茶芥 $28餐牌金口玉言 (人蔘、藥材、黃雞) $238 養生藥膳落足一隻雞，真材實料！ 問女店員要把黃雞烚幾耐才拿出來？她回答，烚5分鐘便會把整隻黃雞拿出來，並替我們把雞斬件，怕會弄污我們的衣服，店員可能拿回廚房給師傅斬件後才送上桌子！奶白色的雞湯底，滿載雞精華的鮮甜又少油，雞肉嫩滑富肉汁！火候控制剛好！特級梅花豬 $138梅花豬的豬肉薄切，熟透的肉質都未算嚡口！黃沙豬潤 $68份量也不少，而且貨色新鮮！鴨血 $38口感略

好貪心! 想呢樣時又想個樣~ OK, “一次過滿足兩個願望”! 旺角百利達廣場的 真。秘鍋, 店內有幾間房是給一邊吃火鍋一邊唱K的, 有些房間更內設獨立洗手間, 而大廳則是純吃火鍋的. 中間位置是調味料區, 不過我就沒需要, 因火鍋湯底本身已極好味, 放食材去滾熟後, 吸了湯味都能滿足我了.   吃火鍋前, 喝喝桂花烏梅汁 ($58一樽), 烏梅味十分突出, 很解渴. 另外, 有桂花菊花茶清熱.我們點了兩個鍋, 一款是九五之尊龍蝦鍋 ($388), 以新鮮波士頓龍蝦、大量海蝦、洋葱及甘筍熬成, 鮮未濃郁! 建議於未放火鍋料前就嚐一嚐龍蝦湯, 而湯內的滑溜的水晶粉亦要先吃, 以防變得淋爛. 重點: 加湯是真的加龍蝦湯, 而絕不是清湯, 確保濃鮮味不減. 我們亦另外點了一個雙拼鍋滿足嗜辣的朋友, 楚香麻辣鍋的辣味是一上枱已感到, 就是眼睛也想流淚啦~ 而白雪玄鳳鍋的材料是烏雞、桃膠及雪燕, 很適合我這愛滋補的, 哈哈! 也建議湯滾後就立即吃桃膠及雪燕連湯, 才不會浪費啊! 火鍋料, 我們也點了不少. 手工鮑魚丸$98, 是以墨魚及新鮮鮑魚粒打至起膠, 再放回鮑魚殼中, 滾熟後好彈呀

烏雞桃膠湯底，充滿骨膠原濃厚雞湯，不停大啖飲，補到上腦。烏雞更是驚喜所在，又滑又淋，好少烏雞整得咁精彩!豬牛羊拼盤，肉味濃郁，真材實料!秘丸拚盤，爽口彈牙，新鮮到秘!同場加演加拿大海膽，豪番一次!仲有其他餸全部都在水準之上。價錢唔平，但質素絕對值得呢個價位，加上大家返工已經甩皮甩骨又殘，點都要善待自己啦。

在不明朗的時勢下大家也苦了！但車媽媽仍是奉行今朝有酒今朝醉來過活，在新正頭怎也要約好友見面吃場開年飯的，這夜選了到旺角的真．秘鍋吃火鍋，貪其有邊爐打之餘更有卡拉OK唱，一於跟大好友來輕鬆一夜！ 早來仍拍到餐廳未有客的相片但轉眼間便高朋滿座了！店家佔地不少檯與檯之間分佈頗具距離感坐得相當舒適！ 餐廳中央擺放了自助的調味櫃供客人隨意選用但對我來說沒用武之地！皆因這兒的湯底實在太美妙了待我容後再介紹吧！ 店內設有不少廂房而當中更設有卡拉OK、電動麻雀檯等消遣設施，加上合理的最底消費和至深宵的營業時間足以令大家樂而忘返了！ 我們這夜便安座於私密廂房中一邊唱K同時打邊爐好不快樂耶！！ 打邊爐偏燥熱耶來兩款清潤飲品降降火吧！我們選了桂圓菊花茶和桂花烏梅汁各＄58/渣，前者清甜滋潤後者生津止渴同樣吸引！ 鍋底我們選上三款包括了養眼非常的九五之尊龍蝦鍋＄388，這鍋色澤鮮明的龍蝦湯用上新鮮波士頓龍蝦配上大量海蝦、甘筍、洋蔥等淆成，品嚐一口龍蝦湯感受到那濃濃的海鮮香氣太愜意了！ 還有無限量添加龍蝦湯作亮點，令這九五之尊龍蝦鍋更為吸引和抵吃！ 喝過龍蝦湯後

旺角呢間真秘鍋，幾乎係我同朋友聚會必去訂房打邊爐唱K嘅餐廳。秘鍋－－雞煲翅，係熟客/熟客介紹先識得預訂嘅隱藏版豪華湯底。需要提早一至兩日向餐廳order。熬足一日的雞湯金黃，超級濃郁，入口每一口都是膠質，對於對食物有要求已經食慣咗一般火鍋湯底嘅朋友，不妨試吓呢個隱藏式矜貴版秘鍋，絕對係一試難忘，唔係普通湯底可以比擬的。另一個必點湯底係招牌九五之尊，龍蝦味非常出，打邊爐用嚟搭配海鮮配料真係冇得頂！龍蝦鍋入面嘅仲有特別QQ水晶粉，吸晒湯汁，又鮮又彈牙。呢度嘅刺身亦都好出色，新鮮即撈嘅澳龍刺身、象拔蚌刺身鮮甜爽口，仲有市面少見嘅花金古魚刺身。自家丸餃手工製大粒有誠意，牛肉有本地手切鮮牛，有唔同矜貴部位，五花子帶軟骨，牛肉味濃兼且爽口。鍾意來真秘鍋，因為呢度除咗有VIP房有得唱K，仲有一個原因，係因為呢度食物質素好，同連鎖集團唔同，火鍋店食出半私房菜感覺，餐廳對食物有份執着、出品有誠意。

朋友好耐冇見想聚下，一行八人訂咗VIP房。經WhatsApp訂位，餐廳人員回覆得都好快，仲send相俾我地揀房，服務態度唔錯。餐廳有好多種唔同大細房間，最後我哋俾咗$1000訂金，揀咗間$4000最低消費嘅圓枱房。房間有兩個爐位，但係我哋主要想唱K飲酒，所以只開咗一個鍋，揀咗玫瑰花膠雞拼藥膳魚頭湯底。靚女侍應姐姐介紹打邊爐前一定要試吓飲碗招牌湯底先，用足真材實料熬制，果然好香濃，飲完亦都唔口渴，應該好似佢哋咁講冇落味精。兩款湯底每人都各飲足一碗。刺身我地點左原條象拔蚌，冰底上夠凍好鮮甜，不過影唔切相一嚟到就俾大家食晒啦。肉類方面我地點左一個有齊牛、豬、羊嘅拼盤，擺盤好精緻，肉類質量都高。朋友鍾意食豬，另外帶咗一個玫瑰松阪豬，整成玫瑰咁嘅形狀，好食得來夠靚可以打卡。餃子拼盤係餐廳手工自家製，其中竹笙餃幾特別，清清地唔錯。即炸響鈴亦都炸得酥脆。之後朋友加點左唔少火鍋配料，但係大家已經開始飲到興起就冇影相啦。八點入座玩到凌晨兩點大家食飽飲醉，盡興而歸，VIP房最低消費價錢唔算平，但以呢個食物質素，加埋可以唱K飲酒成晚唔使轉場，除翻開人頭朋友們都覺得係幾抵。

最近各行各業都受影響，尤其是飲食業…..這篇是記錄一下未受疫情影響前，來到 真・秘鍋享用的高質火鍋，為人為己，大家一定要用公筷，及保持空氣流通呀﹗像我們想有私人空間的，可以選擇坐VIP房，還可以一邊唱K一邊火鍋呢﹗ 打邊爐最緊要的是湯底，如果湯底本來就已經夠足料美味，根本連醬油等都可以省掉﹗ 真・秘鍋 有多款高品質火鍋湯底，必試的，一定是這鍋九五之尊，以新鮮波士頓龍蝦為主要材料，還配上大量海蝦、甘筍、洋蔥等熬煮足三小時，濃濃的海鮮香，勁鮮甜美味；而且加湯時，不是加熱水，而是加龍蝦湯呢﹗ 對於酷愛龍蝦湯的我來說，過足口癮﹗ 同樣酷辣的我，要點個楚香麻辣鴛鴦鍋，配搭養顏的白雪玄鳳鍋，滿足各人喜愛。麻辣配上溫補藥材，辣而不嗆，那香麻氣味，實在讓人上癮﹗ 白雪玄鳳鍋的主要材料是烏雞，加上養顏的桃膠及雪燕，是一鍋充滿濃厚骨膠原的雞湯。 再放一個美顏骨膠原球進去，不得了，不得了，這骨膠原球是由大量烏雞腳加入雞湯等熬成，再放入整支人參，膠質豐富又養顏補氣，女仕們必點﹗ 軟嫩鴨血、蘿蔔片、蜂巢豆腐、鵝腸等都是麻辣鍋的最佳拍檔。 海鮮類如手工鮑魚丸等，由墨魚及新鮮鮑魚粒打至起膠，爽彈無比，放到龍蝦湯底中

上星期慶祝朋友生日, 專登帶佢黎食下好野先!!!!環境都幾整齊, 感覺乾淨, 員工都好有禮貌魚生撈起，有成廿款配料自由撈阿，仲可以根據大家揀嘅刺身魚+$38我果日同朋友就揀咗原條刺身魚，呢條罕見笠子魚都係$338咋勁抵，肉質甜嫩，油分幾高!!!正丫象拔蚌刺身泰國鬼蝦，有蝦味彈牙過一半基圍蝦好多九五之尊$388，新鮮原隻波士頓龍蝦，湯底熬到橙黃色勁濃龍蝦味!!!!貝貝拼盤$288，價錢唔平但其實質素都ok，有成五種貝類，其中比較特別嘅係馬刀貝同北極貝手切牛肉五花子$328，中間有軟骨有啲脆又爽口，肉味幾濃

天氣一凍，就係打邊爐嘅最好時間。身邊朋友一聽到打邊爐立即向我推薦「真秘鍋」，今晚好早嚟到已經超多人等緊位迫爆哂，好彩一早book左位炸。幾中意餐廳個環境，係聊天GATHERING是不錯的地方，感覺上都幾通風所以唔會成陣油煙。餐前小食:辣子雞乾辣椒賣相唔錯，呢個辣子雞唔算話好辣，唔錯阿。就嚟雞多過辣椒，好少見架，好抵食個份量好大。麻辣牛蛙鍋，試過食新鮮牛蛙真係番唔到轉頭。田雞腿經辣湯浸泡後非常入味，肉質鮮嫩細滑，好特別，田雞腿與辣汁交織出複雜多變的味道。麻辣湯辣到適中，都比較啱香港人口味，非常值得一試！另外，入面仲有其他木耳蜂巢豆腐等配料，份量好多。我最中意叫丸拼盤，因為一碟有哂幾款丸唔會悶，係手打架，食落十分之新鮮爽口，正正是手打造成的和機器的分別十分之大。這個丸拼盤的丸子比起坊間嘅大粒。手切五花子，係限量既五花子阿，真係買少見少。肥肉瘦肉比例一半半，食落無急凍味，肉質嫩滑有啲彈牙，味道都唔錯，仲有啲鮮甜味，仲好爽口！打邊爐點少得蔬菜？蔬菜拼盤大大個，抵食！呢個其貌不揚嘅係紅菜台，原來係紅菜苔家鄉的特產，睇落紫红色，好特別。食落係同佢個樣好大分別，好嫩好清甜，清脆爽口，感覺係菜心同蘆筍

本來上個月訂左枱諗住黎試、撞啱社會活動取消左、今日終於有機會同寶貝黎食～佢好鐘意食魚、而且佢底寒～所以叫左個魚頭藥材湯底、個靚女部長溫馨提示我地食之前一定要飲啖湯先、本來都無抱過任何期望、一飲真係不得了、個湯又濃又甜、真係好足料～飲左成個人都暖哂～係咁凍既天氣飲真係堅正👍🏻👍🏻👍🏻大家都知打邊爐個靈魂就係湯底。配料當中個手打墨魚丸真係唔錯爽滑彈牙、值得一試～而且聽靚女部長講下午黎既話仲有半價😳😳下次一定會再黎

工作關係經常會經開旺角，之前已經喺呢間餐廳食過佢嘅半價宵夜時段，今次中午咁岩又經過諗起呢間餐廳唔錯，就走來試吓。呢間係火鍋餐廳，見佢中午出咗鍋麵套餐，係用佢嘅招牌湯底做主打，所以試一試。之前食過佢嘅麻辣湯底，今次同行朋友話之前試過佢嘅魚湯話非常暖身藥材好正，所以要食佢哋嘅原條沙巴魚湯鍋麵。湯底方面呢間餐廳不嬲都唔錯，食得出沙巴龍躉仔係新鮮即炸魚肉唔霉，做到外酥內嫩。套餐248二至四人份量，好就好在午市套餐呢個已經包埋加一同茶芥，同行一共四個唔算大食每人分到碗半，我哋四個人飲茶冇叫野飲除翻開”60幾蚊一位”，有呢個舒服嘅環境好過食魚蛋粉。香港地有質素價錢合理嘅餐廳唔多，中午平時淨係可以揀茶餐廳粉麵店好又一餐唔好又一餐，希望呢間餐廳保持質素，等我哋午餐又多一個選擇。

新年同屋企人食團年飯，大家都想食打邊爐，啱晒依家涼涼地嘅天氣，所以今晚齊齊去咗旺角嘅真•秘鍋。店內有獨立房間又可以唱K，環境舒適，好適合一家大細嚟食飯傾計。因為朋友之前推介過真秘鍋個招牌龍蝦鍋，今次提早兩日同餐廳溝通，決定訂一個off menu豪華版龍蝦鍋，果然冇令人失望，大家都好驚喜，超豐富呢！湯底係鮮橙色， 有3隻超巨型龍蝦喺上面好足料，而且湯底龍蝦味香濃，飲落重好鮮甜。A蚌象拔蚌刺身除咗打邊爐之外，呢度都有新鮮刺身可以黑，我哋叫咗象拔蚌刺身，象拔蚌好爽口，食到停唔到口。牡丹蝦刺身牡丹蝦同樣都係好大隻好新鮮，入口好彈牙。椒鹽蝦頭食完牡丹蝦刺身，餐廳仲可以幫我地拎蝦頭去整椒鹽蝦頭，炒過之後蝦頭超級惹味！特級牛小排打邊爐叫咗碟特級牛小排 ，雪花紋理清晰，輕輕一煮就食得，牛肉口感嫩滑而且牛味重，屬於高質。餐廳服務一流，店員好細心講解每道食品，令到我有賓至如歸嘅感覺。

前牌好想打邊爐！偶然發現左呢間火鍋店 🤣🤣分享返先...........湯底我哋叫咗川味楚香(麻辣鍋) 拼 金口玉言(人蔘雞湯)麻辣味好香好重！唔算好辣用黎食火鍋料一流🤣🤣人蔘雞湯感覺就好似滋補d咁！..........海鮮拼盤盛（四人份量）呢個不得了 超級豐富！有鮑魚 龍蝦 蠔等等非常新鮮 肉質彈牙 超級正🤣🤣..........玫瑰松板豬呢個賣相好靚!! 捲埋變咗朵花🤣豬肉嫩滑唔鞋 不錯！另外蜂巢豆腐 呢個好吸湯！仲有西洋菜亦都唔老總括而言覺得幾高質！推薦推薦..........餐廳：真秘鍋

冬天凍冰冰真係好岩打邊爐無耐前同朋友慶生日黎食過呢間餐廳無論環境 服務定食物質量食完非常之滿意🥰對比好多火鍋店 呢間地方寬敞嘅櫈坐得好舒服卡位亦都好大唔擠迫所以再帶其他朋友過黎食今次係平日夜晚食 估唔到都好爆場好彩有book定位爆場嘅情況下員工都保持到笑容態度幾好佢哋好忙但加茶落單上菜都好快手今次點左燈籠牛小排，餃子拼盤，手打丸拼盤，A5和牛，玫瑰松阪豬一樣keep到食物水準 果然無令我失望同行朋友都覺得好正真心推介

冬天特別鍾意食辣同食火鍋，於是就約埋朋友一齊去咗打邊爐啦～朋友之前食過話好食所以今次去book好咗位！入到去都見到好full好彩book咗位姐～我哋叫咗個龍蝦刺身同埋麻辣火鍋龍蝦刺身好新鮮，食落爽口好吃朋友好鍾意食辣所以火鍋湯底方面我地點左楚香麻辣鍋大辣挑戰一下🔥🔥🔥 大辣都真係幾辣，好多辣椒好足料，而麻辣得黎啱啱好，可能有啲藥材中和左，唔會太攻喉。另外我地點左打邊爐必備嘅手切牛肉、丸同餃拼盤，因為太肚餓一上枱就起筷冇影到相😂另外仲有游水花金古，見隔離枱有點賣相唔錯。平時打邊爐好少見到游水花金古，於是我哋就點左黎試吓，黎到嘅時候見到切得好有層次😆花金古魚味濃配埋酸汁都幾好食朋友介紹得幾好，今餐食得好飽👍🏻