影片
更多
2017-12-03
30 瀏覽
喺上環做完嘢，太肚餓就一個人入咗去拉麵店食拉麵入到去坐低，未到七點，都已經有一兩台客人拉麵正常款式唔會好多，都有四五款俾你選擇而我就選擇左期間限定嘅拉麵，香魚湯拉麵試吓餐廳非常細心，會有兩張紙介紹拉麵同埋叉燒嘅種類，等客人知道每種拉麵同肉之間嘅分別枱面中放置左拉麵嘅配料，個人非常鍾意食中間嗰個辣嘅芽菜，唔係講笑，都真係幾辣下，不過非常惹味，而且芽菜好爽口，配埋拉麵一齊食，非常夾叫咗白桃汁，都幾大一罐，仲俾埋一個雪凍左嘅杯俾我，以防飲品唔夠凍，桃味非常濃郁，唔會話好甜，食拉麵飲呢個係一個唔錯嘅選擇終於到咗主角出場，都幾大碗下，有一大塊叉燒同埋一隻半熟蛋，食拉麵先飲一啖湯是常識吧，湯底非常之濃郁，而且好夠熱，飲到好重木魚嘅味道，拉麵我揀咗曲捲麵，個樣有少少似公仔麵，口感煙韌彈牙，我超鍾意，另外叉燒肥瘦分明，肥膏部份入口即溶，肉質好腍，好正。整體黎講，真係唔錯!
喺上環做完嘢，太肚餓就一個人入咗去拉麵店食拉麵
入到去坐低，未到七點，都已經有一兩台客人
拉麵正常款式唔會好多，都有四五款俾你選
擇
而我就選擇左期間限定嘅拉麵，香魚湯拉麵試吓
餐廳非常細心，會有兩張紙介紹拉麵同埋叉燒嘅種類，等客人知道每種拉麵同肉之間嘅分別
枱面中放置左拉麵嘅配料，個人非常鍾意食中間嗰個辣嘅芽菜，唔係講笑，都真係幾辣下，不過非常惹味，而且芽菜好爽口，配埋拉麵一齊食，非常夾
叫咗白桃汁，都幾大一罐，仲俾埋一個雪凍左嘅杯俾我，以防飲品唔夠凍，桃味非常濃郁，唔會話好甜，食拉麵飲呢個係一個唔錯嘅選擇
終於到咗主角出場，都幾大碗下，有一大塊叉燒同埋一隻半熟蛋，食拉麵先飲一啖湯是常識吧，湯底非常之濃郁，而且好夠熱，飲到好重木魚嘅味道，拉麵我揀咗曲捲麵，個樣有少少似公仔麵，口感煙韌彈牙，我超鍾意，另外叉燒肥瘦分明，肥膏部份入口即溶，肉質好腍，好正。整體黎講，真係唔錯!
張貼
