香香宮煮 (金輝大廈)

營業中

休息中

今晚約左哥哥食晚飯，我地兩個係超級火鍋控，首選當然又係位於尖沙咀既「香香宮煮」啦。 點解我地咁鍾意依間火鍋店？ 全因有特色既宮廷既裝潢及令人回味的火鍋湯底。-由於疫情關係，為了讓客人食得安心，餐廳抗疫功夫亦很認真。例如會在客人面前消毒碗筷、送上口罩套等等。-歎火鍋，靚湯底是最重要的。 餐廳湯底有多款選擇，例如： 花膠雞湯、特色卜卜蜆、消暑冬瓜瑤柱、黑胡椒肉蟹、胡椒酸菜魚、麻辣鴨血、泰式冬蔭功卜卜蜆、藥膳麻油雞等等... 今晚我們點了「 胡椒酸菜魚鍋 」。夏日炎炎，想點個開胃湯底。 這個胡椒酸菜魚湯用料十足，味帶鹹酸香鮮。酸菜醃得透徹，味道較濃；魚肉滑嫩無骨，品嚐了數碗熱騰騰的湯底。-火鍋配料質素亦相當高，我們點了數款❤️魚唇 哥哥以為魚唇係魚嘅嘴😂 當然不是啦！魚唇又叫翅群，其無骨口感比魚翅軟滑爽身，而且蘊含豐富膠質及蛋白質。-❤️陳年花雕醉雞 入口酒香撲鼻、肉質嫩滑可口。-❤️菜苗帶子餃 皮薄餡靚，咬一口，饀料鮮甜汁豐-❤️紫菜腐皮卷 即叫即製！ 每次光顧都必點的！ 從前火鍋最愛響鈴，但自從嚐過這個紫菜腐皮卷，就深深的愛上了。新鮮熱騰騰炸起。外層脆香，腐皮豆香及海苔香氣在口腔回盪，令人回味。