養心殿台式養生鍋 (已搬遷) 新店位置

吹水好地方，鋪頭格局很特別，用門板間開，感覺自成一角，有私人空間。大大煲湯底，叫咗個美人鍋，裏面有樹脂膠，聽職員講含豐富骨膠原，湯底很清澈，湯底裏面有紅棗杞子等藥材，仲有大大隻烏雞，非常清甜，飲完湯之後，仲可以攞來做湯底，無得頂。鹽酥雞，外皮炸至金黃色，入口很鬆化，雞肉鮮嫩，用黎吹水送酒一流。滑雞片，雞如其名，烚熟咗之後仍然都係甘滑，入口也有雞味。雜菜籃，砌到好靚嘅雜菜籃，有唐山菜，鮮冬菇，粟米金菇等等，全部食材都很新鮮。