影片
更多
2018-12-04
149 瀏覽
已經唔係第一次嚟呢間火鍋食，不過上一次因為帶咗個新加玻朋友嚟食，要照顧佢就無食得咁盡興。今次同男朋友兩個人自私食😛佢係一間樓上舖嚟嘅，條樓梯有啲窄，食飽就會難行啲🤣🤣 上到去舖頭細細但好熱鬧好多人，同埋一定要book枱先有得食呢間舖頭嘅裝修好有特色，充滿住七、八十年代嘅氣息，例如有舊式熱水壼、舊式電話等等。連裝住火鍋料嘅車仔都好有味道我地叫咗個海鮮餐，入面包一人一份海鮮，同埋其他火鍋料、小食仼食，最尾仲會有個甜品嘅，飲品有啲仼食，有啲要加錢～一開始會食咗個雞煲先嘅，之後可以再轉湯底嚟打邊爐，或者照用個雞煲底。個醬汁同至尊重慶好似！但呢邊無重慶咁鹹，都係濃味嘅啲花膠超級大舊！！！雞肉好鮮同埋一啲都唔韌，咬落啲肉好結實，唔似冰鮮雞咁無鮮味食唔哂啲雞會幫你搵個盤裝起佢先嘅，可以轉咗火鍋先再一路食。我地轉咗個招牌花生沙嗲湯，就係見到佢寫招牌先嗌，結果個沙嗲湯真係好濃好香花生味，濃到去我有幾下擔心個鍋底都黏嘢每一款嘢食完全唔需要點䜴油，因為煮完已經會吸哂啲沙嗲味，係真係食落口都keep住濃味個種，啱哂我呢啲食鹹嘅朋友。不過有人會鍾意食多啲食物本身嘅鮮味，咁我會建議你叫其他湯底～啲海鮮超級新鮮，有
佢係一間樓上舖嚟嘅，條樓梯有啲窄，食飽就會難行啲🤣🤣 上到去舖頭細細但好熱鬧好多人，同埋一定要book枱先有得食
呢間舖頭嘅裝修好有特色，充滿住七、八十年代嘅氣息，例如有舊式熱水壼、舊式電話等等。連裝住火鍋料嘅車仔都好有味道
我地叫咗個海鮮餐，入面包一人一份海鮮，同埋其他火鍋料、小食仼食，最尾仲會有個甜品嘅，飲品有啲仼食，有啲要加錢～
一開始會食咗個雞煲先嘅，之後可以再轉湯底嚟打邊爐，或者照用個雞煲底。個醬汁同至尊重慶好似！但呢邊無重慶咁鹹，都係濃味嘅
啲花膠超級大舊！！！雞肉好鮮同埋一啲都唔韌，咬落啲肉好結實，唔似冰鮮雞咁無鮮味
食唔哂啲雞會幫你搵個盤裝起佢先嘅，可以轉咗火鍋先再一路食。我地轉咗個招牌花生沙嗲湯，就係見到佢寫招牌先嗌，結果個沙嗲湯真係好濃好香花生味，濃到去我有幾下擔心個鍋底都黏嘢
每一款嘢食完全唔需要點䜴油，因為煮完已經會吸哂啲沙嗲味，係真係食落口都keep住濃味個種，啱哂我呢啲食鹹嘅朋友。不過有人會鍾意食多啲食物本身嘅鮮味，咁我會建議你叫其他湯底～
啲海鮮超級新鮮，有蝦、青口、墨魚滑、蠔、蜆等等，佢會俾番人頭份量你。啲蠔勁大隻，仲要食落一啲腥味都無，好鮮甜！其他海鮮都好靚無腥味無沙
之後見到碟牛都好surprise，因為啲雪花佈滿得好均勻，好靚。我本身因為皮膚問題介咗食牛，但都忍唔住食咗一塊，要大讚！真係有鮮味同埋啲脂肪會係口到蔓延，塊牛肉好soft好正
最尾仲有個台式甜品，非常之大碗，但我地都飽到食唔落已經
如果多啲人嚟食就可以試多啲款之餘又唔會太早話飽，所以會係最抵！
張貼
