老三火鍋 (已結業)

一年四季都要打邊爐！今日專程去左長沙灣老三火鍋，一嚐馳名既鴨鍋。黎到發現湯底選擇比一般市面多，而且款式亦較特別，除左馳名既鴨鍋外，仲有花膠筒豬骨鍋、養顏沙魚骨鍋、野生養顏鍋同藥膳水魚鍋，打邊爐都好滋補，樣樣都好想試！不過今次第一次黎，一於試下招牌鴨鍋啦！鴨鍋既食法係先飲靚湯，食鴨肉，然後加湯打邊爐。作為一個火鍋湯底，鴨湯真係超哂班，清甜而不膩，我一口氣飲左兩碗。餚完湯既鴨肉肉質仍然十分嫩滑，火喉控制得唔錯。飲過靚湯後，店員開始加湯及上火鍋配料。我地點左手切靚肥牛，四寶丸，日本黑豚肉，蟹籽墨魚滑，炸枝竹同山根。手切靚肥牛睇肉既色澤就知道新鮮，但睇落唔算好多脂肪，不過出乎意料既係牛味依然好重，反而少左份膩感；厚薄切得恰到好處，有口感。日本黑豚肉日本黑豚肉果然唔同d。 肉質有彈性，而且較多脂肪，十分香口。一口一大片黑豚肉，好滿足！蟹籽墨肉滑我最欣賞呢個墨魚滑，非常彈牙，而且鮮味十足，加埋蟹籽既配搭，口感非常有層次。四寶丸丸子好爽口彈牙，一定要叫一碟黎試。上素山根炸枝竹小涼拌前菜小食醬油過程中，員工好熱情咁招待我地，不停幫我地撈起鍋裏既泡同殘渣，值得一讚！呢餐飯幾滿足，完全感受到店家既用心。呢