長浜No.1拉麵

營業中

休息中

剛巧路過肚仔餓餓地, 天氣熱又唔想行上去食蕃茄面, 九記又驚冇位, 喺門口正在睇緊佢地既menu就有個女仔開門俾我, 於是就入去坐低咗.我點咗最basic既豬骨拉面($72), 再加玉子($10)及黑木耳($8), 拉面揀咗"硬", 因為我食得唔快, 揀硬就最啱, 如果唔係食到一半就淋哂.之前食過某幾間拉面店既湯底味道雖然好好, 但就會覺得太濃同好似加咗味精咁, 長浜No.1拉麵呢度既湯底就冇咁濃, 但反而滲出淡淡既豬骨香味, 非常可口又不膩. 佢地既叉燒亦好好味, 焦焦地好香口; 另外玉子都不錯, 流心又帶點旦甜, 喜歡玉子既朋友不要錯過.