文記車仔麵 (福榮街)

營業中

休息中

今日同朋友去食車仔麵，去到好多人喺舊舖排隊，原來係買外賣，後來前面位小姐同我地講，先知行前幾步有新店。兩點左右到，已經滿座，好彩啱啱有人走，唔洗等位。 上菜幾快，奶茶好大杯，味道一般，稍甜。 我嗌左豬手同白蘿蔔，配油麵。豬手好軟，調味好味，份量足夠。白蘿蔔都幾甜，但唔算多。油麵我覺得太軟。啲湯送麵幾好食。朋友食嘅雞翼都好冧，入味得黎唔會過咸。餐廳有啲窄，張櫈較細，環境都嘈。所以食完都拿拿臨走lu 食物滿意，會再黎。