佬麻雀 · 鮮湘菜

營業中

休息中

“佬麻雀“好得意個名，真係唔知有咩意思？但啲裝修同埋湖水藍色嘅顏色係好吸引我嘅，你會諗到大海，雖則湘菜同大海係冇咩關連，哈哈，淨係鍾意個顏色同埋湘菜咁就入咗嚟喇。室内裝修都有啲特別，有啲靚靚的盆栽，咁當然要打卡影相啦，嗰staff見我咁鍾意，主動提出幫我影相，本來我唔好意思打攪佢哋嘅，但有人主動提出，我就咁同啲盆栽合影咗😃😃今日唔想食飯，講嘅係rice ，於是乎主食就叫咗手工銀絲卷，平時唔多食，鬆軟的麵，扭曲的花纹，淡淡哋都幾吸引。“蒜蓉粉絲焗大明蝦”同“辣椒炒土猪肉”就係呢日的主菜，好多時吃湘菜都會食嘅味餸，蝦够大隻，鮮甜彈牙，粉絲入味，好惹味的一道餸，愛來送銀絲卷啱啱好，而“辣椒土猪肉”係湘菜的經典，豬肉味够香濃，係平時食開的味道。除咗“茉莉花茶”仲有罐裝“可口可樂”和“王老吉”可點，好好吖，因我唔喜歡杯裝可樂。