第一道必食嘅當然係主打菜避風塘炒辣蟹🔥～蟹鉗大隻又新鮮，外層鋪滿金黃蒜酥，香氣一出嚟真係流晒口水～每咬一啖，蟹肉鮮甜、蒜香辣味夠重，超過癮！另一樣瀨尿蝦都好正，外脆內嫩，炸得啱啱好，辣香滲入蝦肉，啖啖都惹味 🦐椒麻九肚魚則香脆麻辣，一啖一條，當伴酒小食真係一絕～
食完海鮮，再試吓道地炒粉麵，當然唔少得爆鑊氣代表作蟹油炒牛河！未擺上枱起遠處已經聞到爆炒河粉嘅香氣，河粉掛滿香濃蟹油，香滑唔膩，牛肉亦炒到滑溜溜，一咬即化～
食完成餐飯配番一杯凍奶茶 🧋鋼杯冰冰涼涼、茶香濃郁，啱啱好中和埋啲辣味。想食好嘢同時感受充滿地道風味又有「人情味」嘅香港老店，嚟呢度就啱晒啦！💛
