肉浦團火鍋放題 (已結業)

朋友約打邊爐就想搵間可以多啲牛嘅選擇嘅放題，就黎左呢間位於旺角通菜街嘅肉蒲團火鍋放題。初頭聽到個名都以為純粹食下字，但原來裝修都好圍繞港產片主題，好多對白都係童年回憶，同一班舊朋友特別有feelM5M8和牛set 配藥膳花雕醉雞湯底醉雞腌得好入味，藥膳材料都好足所以食落感覺好濃烈，另外花雕酒亦可以隨自己喜好加多加少，所以酒味可以自己調教，好貼心。牛肉嘅選擇真係好多，唔同國家，唔同部位都有，我覺得最好食嘅有澳洲M5和牛牛肩胛同安格斯牛板腱，肉味最濃同肉質爽脆。鍾意食牛嘅朋友真係啱哂。除咗牛肉都仲有好多選擇雞肉就有雞髀肉，雞髀肉真係正過雞件好多，另外海鮮都有好多選擇，有虎蝦，廣島蠔，魷魚同石班魚。每樣嘅質素以放題嚟講真係算係出色。起碼每樣都係新鮮靚仔。其他嘅火鍋料同蔬菜類就可以係自助櫃自己拎，自助區乾淨企理。飲品都係任飲。最後仲有得揀抹茶芝士蛋糕或者雪糕。相當抵食！