影片
更多
2010-10-31
16 瀏覽
尋晚(30-10-2010 Sat)同男友去尖沙咀睇男友想睇,而Openrice送o既’跳躍大搜查線3’電影(在此先多謝Openrice).睇完戲就o係尖沙咀食飯啦,天氣有啲涼,男友話去食拉麵,佢諗起呢間,於是行o黎呢o度,o黎到時唔多人,我o地揀o左:2. $28.00o既沙律醬叉燒飯糰男友好奇下叫o既,一碟三件,o黎到時其中一件o既紫菜都冇黐埋,飯又散,上面o既沙律醬叉燒好似嘔吐物咁,賣相極唔掂.而沙律醬叉燒同飯o既比例好唔平均,係1:2.食落,沙律醬叉燒凍飯就微暖,感覺好怪.而味道呢,沙律醬叉燒似罐頭吞拿魚,叉燒粒就搵到一啲o既,飯就完全冇味,而由於佢太鬆散,攪到我食得好論盡,紫菜又唔係咁易咬開,重變o左’反’卷咁食.味道: 2分3. $30.00o既香酥炸墨魚然後到呢樣,好熱辣辣同香,食落,果然係脆,蘸埋沙律醬雖然冇咁熱氣,但漏.不過呢個都幾港式.老實,如果佢係港式,就可以畀4-5分,但論日式o黎講,應該只係2分.味道: 2分1. $58.00o既豬骨湯叉燒拉麵男友o係豬骨湯同味噌湯之間挑選,就揀o左前者.o黎到先試啖湯,味道好濃,真係好濃,四片叉燒味道亦濃,但….係港式叉燒o
睇完戲就o係尖沙咀食飯啦,天氣有啲涼,男友話去食拉麵,佢諗起呢間,於是行o黎呢o度,o黎到時唔多人,我o地揀o左:
2. $28.00o既沙律醬叉燒飯糰
男友好奇下叫o既,一碟三件,o黎到時其中一件o既紫菜都冇黐埋,飯又散,上面o既沙律醬叉燒好似嘔吐物咁,賣相極唔掂.而沙律醬叉燒同飯o既比例好唔平均,係1:2.食落,沙律醬叉燒凍飯就微暖,感覺好怪.而味道呢,沙律醬叉燒似罐頭吞拿魚,叉燒粒就搵到一啲o既,飯就完全冇味,而由於佢太鬆散,攪到我食得好論盡,紫菜又唔係咁易咬開,重變o左’反’卷咁食.
味道: 2分
3. $30.00o既香酥炸墨魚
然後到呢樣,好熱辣辣同香,食落,果然係脆,蘸埋沙律醬雖然冇咁熱氣,但漏.不過呢個都幾港式.老實,如果佢係港式,就可以畀4-5分,但論日式o黎講,應該只係2分.
味道: 2分
1. $58.00o既豬骨湯叉燒拉麵
男友o係豬骨湯同味噌湯之間挑選,就揀o左前者.o黎到先試啖湯,味道好濃,真係好濃,四片叉燒味道亦濃,但….係港式叉燒o既味道.其他都有筍絲,同一片佢o地logo o既魚蛋,蔥花有好多.雖然帶有一點點港式味道,但食完個口又唔會喝,加分.
味道: 4.5分
服務:
我o地坐低叫o左o野,侍應問我o地要唔要o野飲,我o地叫o左綠茶,但一直都冇畀到,漏單.
而且冇意識畀清水我o地,要叫至畀.
呢餐連加一要$127.60.
張貼
