尚上下夏 - 養生雞煲火鍋 (已結業)

朋友約我呢黎度食雞煲話好正，我一去到佢即時無引因為我已經去過，佢無機會扮到野介紹野食俾我，哈哈。咁講真，呢度嘅雞煲係正嘅，第一佢d雞可以選雞脾雞胸全雞同半雞，我當然要雞脾加雞胸啦，啖啖肉又無骨。第二係佢個辣味好惹味，越煲佢越出味越入味。可惜我朋友唔食辣，我只可以點微辣。其實食完個雞煲，已經有飽意，分量好足 。再加上豬皮可以任點 (其實我無加過，因為食雞都夠)，個豬皮洞洞吸晒d辣汁，好味到暈。我仲叫左手切靚牛皇，帶子皇，手打三色滑 (墨魚，鯪魚同蝦)同菜。個牛厚度適中，輕輕一拖水就食得，有豐富嘅牛香又夠軟熟。手打三色滑口口彈牙，而且新鮮唔會梅口，我食過d唔新鮮真係好驚。最後建議叫多d人先好去，2個女仔打邊爐試唔到太多款，食個雞煲就飽晒。