影片
更多
2021-09-04
41 瀏覽
*交通*難得禮拜日放假，同朋友試咗佐敦嘅呢間黃店雞煲，距離地鐵站/巴士站都有一段路，小妹睇地圖比較差，都行咗十幾分鐘。*食評*雞方面，可以揀無骨/有骨雞，絕對係唔鍾意噒骨嘅懶人恩物。肉方面，可以揀全雞/雞髀肉，想享受滑啲嘅肉，不妨揀後者。不過個人就嫌雞髀肉嘅雞唔夠雞香味。辣度方面，罕有地可以揀唔辣，唔食得辣嘅友人，當然好開心，終於唔需要瘋狂灌水放肆地食。可惜，對於食到吓辣嘅我嚟講，雞煲冇咗辣，就等於冇咗靈魂，即使已經同餐廳講要「多麻」，但都感覺，差緊啲差緊啲。調味方面，佢味道偏向港式風味。如果你想食到嘅係正宗嘅重慶雞煲，啖啖都有齊花椒、八角、指天椒嘅香味，咁你應該要失望了。唔知道係咪因為冇揀辣嘅關係，雞煲味道偏甜，但都叫入味嘅。如果你內心冇一個對重慶雞煲味道嘅預想，呢個都算係一個都幾好食嘅港式雞煲。不得不提雞煲以外嘅亮點—豬皮，因為佢係撈埋喺雞煲入面，所以完美雞煲嘅精華吸收，另外，火鍋配料方面，我哋仲叫咗一碟二百幾蚊嘅牛肉，好好好好食，估唔到咁好食！大多數人鍾意食完雞煲，加湯，先再食火鍋配料，我就唔係咁睇。既然雞煲嘅汁咁好味，點解唔落埋啲配料一齊食呢，好似落肥牛咁，一流！不過事後加湯，
難得禮拜日放假，同朋友
試咗佐敦嘅呢間黃店雞煲，
距離地鐵站/巴士站都有一段路，
小妹睇地圖比較差，都行咗十幾分鐘。
*食評*
雞方面，可以揀無骨/有骨雞，
絕對係唔鍾意噒骨嘅懶人恩物。
肉方面，可以揀全雞/雞髀肉，
想享受滑啲嘅肉，不妨揀後者。
不過個人就嫌雞髀肉嘅雞唔夠雞香味。
辣度方面，罕有地可以揀唔辣，
唔食得辣嘅友人，當然好開心，
終於唔需要瘋狂灌水放肆地食。
可惜，對於食到吓辣嘅我嚟講，
雞煲冇咗辣，就等於冇咗靈魂，
即使已經同餐廳講要「多麻」，
但都感覺，差緊啲差緊啲。
調味方面，佢味道偏向港式風味。
如果你想食到嘅係正宗嘅重慶雞煲，
啖啖都有齊花椒、八角、指天椒嘅香味，
咁你應該要失望了。
唔知道係咪因為冇揀辣嘅關係，
雞煲味道偏甜，但都叫入味嘅。
如果你內心冇一個對重慶雞煲味道嘅預想，
呢個都算係一個都幾好食嘅港式雞煲。
不得不提雞煲以外嘅亮點—豬皮，
因為佢係撈埋喺雞煲入面，
所以完美雞煲嘅精華吸收，
另外，火鍋配料方面，
我哋仲叫咗一碟二百幾蚊嘅牛肉，
好好好好食，估唔到咁好食！
大多數人鍾意食完雞煲，
加湯，先再食火鍋配料，
我就唔係咁睇。
既然雞煲嘅汁咁好味，
點解唔落埋啲配料一齊食呢，
好似落肥牛咁，一流！
不過事後加湯，再落肥牛，
又係另一番風味嘅，
更加食到牛嘅香味。
至於份量方面，
今次我哋三個人食，
兩個女仔，一個男仔，
大家食量都正正常常，
叫咗一隻全雞，一碟牛肉、一碟烏冬、
飽到上心口。
想食多啲雞煲以外嘅火鍋配料，
好似肥牛，烏冬、手打丸，
真係建議叫半隻雞就好了。
*價錢*
雞煲全雞嚟講，二百零蚊，
個人覺得都正正常常喇。
但最令人不解嘅係，
雞煲食到咁上下，
餐廳畀餐牌問我哋加咩湯，
即係話如果要加湯，係要另外收費。
正常雞煲舖頭都好少咁，
況且我哋要嘅只係清湯，
其實本身雞煲咁重味，
再揀咩湯底味道都係會被蓋過，
最後因為友人咩湯底都揀唔啱，
餐廳畀咗個選擇我哋，加水。
冇錯，係加水。清湯都冇個。
不過無所謂嘅，加水都好食。
好吧，是次食評，完。
希望對大家/餐廳有幫助。
張貼