綠茶餐廳 (將軍澳中心)

營業中

休息中

北上既時候已經對佢印象唔錯，特別係佢地個粉絲蝦。而家香港已經有多家分店，仲有會員app ，有迎新優惠。雖然香港全寸金尺土，冇可能做到內地果種大既園林式裝修，不過仍然係有限既空間加入園林既元素。餐牌上當然有好多熟悉的面孔，不過更吸引既係香港限定。西湖雷峰塔模仿西湖雷峰塔既外型，其實係山藥和奶既製成品，口感似奶凍。綠色既湖水則來自豆蓉。暴打鳳梨茶造型吸引，特意將熊同鳳梨茶分隔，避免直接溶於水中，適合打咭，而且味道清甜。蔥香脆皮烤鴨平時食開烤雞，今次烤鴨比到驚喜。除咗皮脆，滿碟既蔥香絕對一讚，有幾分XO醬既感覺，食開烤雞既你真係可以一試。蝦湯泡飯泡飯個重點係要夠滾，砂鍋上滾出煙，然後加脆米充滿儀式感。粒粒蝦肉，脆米同泡飯口感豐富，而且湯沒死咸。高湯蝦乾小青菜高湯清甜，配合蝦乾帶出少許鹹香。