六合小廚 (已結業)

有朋友黎香港玩，要帶佢感受香港嘅「繁華」就當然係去尖沙咀啦！人多車多喼多，食飯嘅話平價野就排隊排十世，貴價野就細份兼難食想帶友人食返d地道野，又可以坐得舒舒服服咁傾下計，係尖沙咀地舖就真係難有咁嘅地方啦......所以我哋要向上望！尖沙咀樓上舖其實都有唔少餐廳，但佢哋未必做好多宣傳，加上係尖沙咀行真係迫到只會想行快兩步走人，所以我哋好少留意樓上有咩！尖沙咀間Apple Store相信好多人都見過去過，隔離橦大廈就未必睇到。樓下大門有幾個廣告架，幾間餐廳就靠呢到做宣傳啦！六合小廚係間港式茶餐廳，有燒味有小炒，粥粉麵飯樣樣有，價錢黎講係尖沙咀地段算係合理啦！燒味拼盤 （例牌 $178）要講代表香港嘅食物，燒味一定係其中一樣！男女老幼、高中下階層嘅人都一定食過，平有平食，貴有貴食。呢到嘅燒味價錢算中位數，但質素都幾高叉燒肥瘦適中，蜜汁均衡，食落帶甜，肉質鬆軟雞同鴨就皮薄肉嫩，唔會好肥好多油，而且好多都係啖啖肉，唔會只係比d骨位，呢樣我幾欣賞同埋睇到碟拼盤都排得整整齊齊，唔似平時d茶記師傅求求其其上碟，食嗰個人望到都開胃d啦～魚香茄子煲（$98）友人話想食d可以送飯嘅小菜，魚香茄子呢樣家常小菜