瀛鍋

營業中

休息中

九龍城好多餐廳都有咁上下歷史，呢間食港式火鍋，有十幾年歷史。入到去見到有小朋友遊戲區真係嚇一跳，打邊爐既時候仲照顧埋小朋友需要，好適合家庭客。樓上仲有一層，有好多唔同嘅房間，無論二人定多人，都可以有自己房打邊爐。呢度提供材既食材都好新鮮，而且款式多，尤其係海鮮類。頂鴿鮑魚海鮮冬瓜環鍋呢個鍋充滿特色，用鴿同冬瓜做湯底，消暑又夠味，加埋鮑魚、蝦同仿翅賣相更見豪華，同其他餐廳比都幾難撞樣。建議首先將佢當湯飲，加水再當火鍋食。手切本地鮮牛肉手切牛肉大大片，口感香嫩，充滿牛味。海鮮盛盒海參、鮑魚、廣島蠔、蜆同鯇魚片，全部都新鮮食材。鮑魚鮮爽，鯇魚片爽脆，海參軟腍腍，吸晒火鍋湯的味道。手打鮮牛肉丸牛肉丸新鮮又彈牙，口感滿滿。芥末貢丸芥末味既唔會淡而無味，又唔會濃到食唔到，配合貢丸本身既味道，有驚喜。蟹籽包心丸一咬爆出鮮甜蟹籽，唯一注意小心燙咀。