吃扒 (已結業)

今日介紹嘅呢間餐廳為港式扒房，位於旺角店豉油街，店舖外面採用粉紫色作主調，旁邊設置長木櫈，不失為打卡嘅好地方。店內裝修以懷舊復古風為主調，環境頗有情調。餐廳主打鐵板西餐，值得一提嘅係餐廳餐牌設有設生酮餐單，方便生酮飲食者。熔岩芝士紐西蘭牛柳 $188呢個熔岩芝士紐西蘭牛柳可以話係餐廳嘅名物，幾乎個個入到去都會叫。每款主菜都可以選擇跟餐，當中有餐湯﹑餐包﹑飲品及甜品。值得一提嘅係除咗會倒上自己選擇嘅蒜蓉汁喺鐵板上邊，職員亦都會倒上着咗火嘅熔岩芝士。鐵板上滋滋的聲音，有細個食鐵板嘅風味。牛柳嘅水準唔錯，肉質腍滑，肉質嘅熟度亦都恰到好處。慢煮美國西冷牛扒 $228呢個西冷牛扒可以選擇Keto 或者正常餐飲份量，如果係生酮飲食的話就唔會配上澱粉質或者醬汁。牛扒同樣可以選擇套餐，不過就會少咗甜品。西冷牛扒我哋同樣都係叫咗五成熟，比起牛柳肉質更加粉嫩。值得一讚嘅係半碟有炸椰菜花，加上sour cream，質感幾特別同埋香口。📍吃扒 旺角豉油街108地舖