尚上下夏 - 養生雞煲火鍋 (已結業)

依間餐廳真係bookmark咗好耐，一直都想去食，但成日都book吾到位，今次平日終於book到位啦。餐廳既裝修真係好似港式邊爐咁，係大排檔既枱，但當然係有冷氣既，仲係用gas爐添。😋 雞煲半隻雖然只係叫咗半隻，但個份量都吾少，啲雞好入味。我地叫咗小辣，岩岩好，而且啲雞吾只係得辣味，仲有麻味。同埋好鐘意餐廳落咗好多配菜，又有芫茜同埋紫洋蔥，入晒味真係好正。😋 足料龍蝦湯湯底個湯底真係有好濃既龍蝦味，而且食完辣雞煲，食翻啲鮮味既湯底就岩岩好，所以都叫咗啲掛到湯既邊爐料。😋 皇帝菜食完啲熱氣野梗係要食翻啲菜清下熱氣先😋自家製即炸響玲啲響玲好大份，而且即炸岀嚟真係脆好多😋鬼馬墨魚見到個名就覺得好得意，其實係油炸鬼同埋墨魚滑，依個配搭都幾吾錯。😋芫茜牛肉卷依個係餐廳新推岀既邊爐料，身為芫茜愛號者，梗係要試下啦，啲芫茜可以令個牛肉無咁膩，鐘意芫茜既朋友可以試下。