4號烤吧 (已結業)

過嚟堅尼地城呢邊探完朋友，兩個小朋友記得之前嚟過呢度食烤魚，就帶咗佢哋過嚟😄呢度嘅烤魚有辣有唔辣，我哋揀咗唔辣嘅欖豉烤魚～可以選擇凌波魚/沙巴龍躉，前者係淡水魚，肉質比較滑少骨，後者係海魚，多肉而質地較實淨，因為今次同小朋友食，我哋就揀咗少骨嘅淩波魚，醬汁好有欖豉嘅咸香，令魚肉食落更鮮，唔錯😍小食方面我哋就order咗燒原條茄子🍆和椒鹽粟米🌽～茄子蒜味濃郁，用筷子就夾到一絲絲，用來撈飯一流（呢度嘅白飯係任裝ga)，粟米味道甜甜，椒鹽真係少見，呢度嘅表面舖滿炸蒜，好有鑊氣，配上惹味嘅椒鹽，而且整得乾身冇乜油分，感覺食得多都無太大罪惡感！食完賣單嘅時候仲發現有得抽獎添，勁開心😃