養心殿台式養生鍋 (已結業)

2017.12.29成班朋友好耐無見，幾個飯聚，天寒地凍，打邊爐就最正，今次一於食豪些，去左呢間中上價位的火鍋店！湯底真係款款都好吸引，所以貪心的我們就要左個雙拼湯底，一半美人鍋，一半要養生鍋。感覺湯底真係好足料，真材實料！先講美人鍋，原隻烏雞去煲，仲有近期好流行的桃膠，搭紅棗杞子等材料，個湯頭超甜，就咁飲已經覺得好養顏，骨膠原大增！另外，養生鍋亦好足料，個豆腐索哂湯汁，真係超正。火鍋料叫左個嚮鈴，真係超好味，好鬆脆新鮮，一點湯即食真係超好味。而手打的松露蝦丸同梅菜豬肉丸都好特別好好味！個鴨血亦超正，好滑嫩。而手切牛肉亦十分讚，雪花分佈平均好有肉味！仲有個翠絲水蓮都好好味，好特別！自己剪碎入湯就可以。整體而言，食材質素好高，湯底真材實料好滋補。絕對值得推介。