四季椰林海南椰子雞 (MOKO新世紀廣場)

營業中

休息中

“不加1滴水4個椰子一鍋湯”，相信都知道邊間打邊爐既招牌。而家終於有香港分店。旺角新世紀人流夠旺，餐廳環境夠大，仲有落地玻璃，彩光十足。配置都跟足內地，有齊沙薑，辣椒，柑橘，同唔少得青檸水招呼。湯底就係佢地主打，不加1滴水4個椰子一鍋湯，非常清澈，對於我呢個椰子水控絕對冇得輸。椰子水湯底加入海南文昌雞，味道清甜，一路飲，一路讚。文昌雞雞肉嫩滑，根據沙漏的時間食用，達致最佳的品質。原切和牛雪花牛肉用冰鎮住，成坐山咁，好有氣勢。輕輕一灼，牛肉爽嫩，有椰子水的清香。鮮珍山菌拼盤四款菌類鮮牛肝菌、雪山松茸、綉球菌同雞樅菌都唔會被椰子水蓋過味道，而且各有不同口感。中山脆鯇魚片爽脆鯇魚片，在椰子雞湯下，鮮味尤其突出。心形粉賣相似烏冬，心形夠特別，入口煙韌。龍鬚筍龍鬚的賣相，口感豐富，又可吸湯。香辣文昌雞胗以麻辣川味刺激味蕾，夠晒開胃。