影片
更多
2024-02-20
62 瀏覽
喺太子做完 facial，約埋喺附近返工嘅朋友一齊食晏。友人想食米線，帶咗我嚟花園街「曾三仙」，原來餐廳係大陸連鎖店，分店超過 1000 間，而香港就係第一間。品牌以「鮮」為產品理念，湯底唔過夜，每日都採用現熬嘅大骨湯打底，有 6 種口味，包括滋補清湯、番茄濃湯、藥膳、泡椒、老壇酸菜及牛油火鍋等。點咗滋補蝦滑米線 同 酸菜湯底四仙米線。滋補蝦滑米線 ($55) 藥膳湯底以多款藥材配合每日新鮮現熬嘅大骨湯炮製而成，湯頭濃郁富層次，入口清香甘甜。蝦滑爽身彈牙，米線煙韌滑溜，掛湯一流！四仙米線 ($52) 湯底嘅酸辣度啱啱好，清甜又不過鹹，入口鮮香味濃。餸料有木耳、竹笙、鵪鶉蛋、午餐肉、蕃茄、豬潤和肉絲等，份量十足，非常之大堆頭。加咗幾款小食，有原味土豆泥 ($12)、重慶現炸小酥肉 ($25)、虎皮雞腳 ($30) 同 糍粑油條 ($16)。土豆泥用上新鮮薯仔切片，再磨蓉製成，質地綿密香滑，帶顆粒口感，味道天然。小酥肉即點即炸，入口脆而不油，點少少辣粉食，非常惹味。雞腳軟糯入味，醬香濃郁，輕輕一啜即骨肉分離，容易進食。油條炸至通透香脆，中間夾住煙韌軟糯嘅糍粑，表面再撒上黑芝麻同糖霜，
喺太子做完 facial，約埋喺附近返工嘅朋友一齊食晏。友人想食米線，帶咗我嚟花園街「曾三仙」，原來餐廳係大陸連鎖店，分店超過 1000 間，而香港就係第一間。
品牌以「鮮」為產品理念，湯底唔過夜，每日都採用現熬嘅大骨湯打底，有 6 種口味，包括滋補清湯、番茄濃湯、藥膳、泡椒、老壇酸菜及牛油火鍋等。
點咗滋補蝦滑米線 同 酸菜湯底四仙米線。
滋補蝦滑米線 ($55) 藥膳湯底以多款藥材配合每日新鮮現熬嘅大骨湯炮製而成，湯頭濃郁富層次，入口清香甘甜。蝦滑爽身彈牙，米線煙韌滑溜，掛湯一流！
四仙米線 ($52) 湯底嘅酸辣度啱啱好，清甜又不過鹹，入口鮮香味濃。餸料有木耳、竹笙、鵪鶉蛋、午餐肉、蕃茄、豬潤和肉絲等，份量十足，非常之大堆頭。
加咗幾款小食，有原味土豆泥 ($12)、重慶現炸小酥肉 ($25)、虎皮雞腳 ($30) 同 糍粑油條 ($16)。
土豆泥用上新鮮薯仔切片，再磨蓉製成，質地綿密香滑，帶顆粒口感，味道天然。
小酥肉即點即炸，入口脆而不油，點少少辣粉食，非常惹味。雞腳軟糯入味，醬香濃郁，輕輕一啜即骨肉分離，容易進食。
油條炸至通透香脆，中間夾住煙韌軟糯嘅糍粑，表面再撒上黑芝麻同糖霜，入口咸咸甜甜，油而不膩，帶淡淡芝麻香。
跟餐點飲品可享半價，揀咗小吊梨湯 (+$9) 同 冰糖山楂凍 (+$9)，兩杯味道都唔錯，前者生津潤肺、清甜可口；後者酸甜醒胃、解渴消滯。
張貼
