麺屋武一 (已結業)

日式拉麵係我其中一個最愛。無奈一般拉麵，特別是最正的豚骨拉麵，一碗動不動超過 700 Kcal，真係好肥。但今日，終於食到「減肥拉麵」！疫情下的棉登徑、週五晚上，客人不多。餐牌因應情況有所簡化，不用填「點心紙」，基本上只剩下拉麵，及數款小食。牆上有貼上我今日的目標：低醣麵（其實說白了即是蒟蒻麵）選了「清湯鹽雞拉麵」。上菜。湯底無想像中的清，其實都幾油。試一口湯頭，好濃味，都幾鹹（唔知「濃厚」湯底係點呢？）主角低醣麵，口感居然同中式伊麵有啲類似。自己都煮過好多次蒟蒻麵，一般都會太爽口，唔似麵，呢度做得好好。可惜份量真係細，比正常拉麵的份量少好多。不過可以止吓拉麵癮，一定會再來。