尚素 (已結業)

因為老公話呢期好熱氣，所以主動話要食清 D~可能佢對這家餐廳的印象不錯，所以要一去再去~來到的時候坐位經已半滿，不過這次我被門口的禮籃吸引著，真的好豐富呀~熱豆漿 是我們來到這裡必點的，因為味道甜甜的很好喝。蜜汁叉燒當然唔係真叉燒吧~ 不過色澤真係做得好似，啜一啜真係好惹味，而質地是比真叉燒更腍身。竹笙榆耳腐皮卷腐皮卷擺放得很工整，一咬入口外邊是很薄身帶點脆，而裡面的竹笙味很香，餸飯是幾正的。黃金咕嚕魔芋另一個啱哂餸飯之選，芋頭不論是外觀或者是口感也十分像咕嚕肉，加上個汁收得好好，酸味味咁，而且我好鍾意佢加咗水蜜桃，好好味~榆耳荷葉飯打開荷葉飯，飯量可不少，同時滲出陣陣的荷葉香味，加埋 d 餸伴著，真係添過一碗又一碗。