豐鍋雞煲 (京瑞廣場1期)

最近去咗石門 豐鍋 食佢哋嘅 滋潤椰子雞煲，真係好有驚喜！見住店員即場將成個椰青倒落鍋，再挖椰肉落湯底，椰香清甜，飲完都覺得如其名，夠曬滋補～

肉類推薦佢哋嘅 頂級雪花肥牛，大片油花勻稱，涮一涮啱啱好，入口嫩滑。仲有自家創作嘅 爆芝醬鈴，芝士包住醬料，一啖爆汁超邪惡🧀！

手工即炸魚皮都係必食，原塊上枱，脆卜卜！就咁食定落湯都一樣咁好味～

鍋料方面試咗佢哋嘅 餃餃陣，4款餃子入面最鍾意係 麻辣鮮蝦雲吞，蝦爽辣勁，超開胃！

性價比高、新意十足，打邊爐又多一個好選擇～🔥