影片
更多
2020-10-18
139 瀏覽
今日去睇戲，支持下本土電影，臨入戲院之前，喺附近食個快飯，見到呢間裝修不俗的台式飲品店加餐廳，望落都幾乾淨企理，即管入去一試。飲品選擇都幾豐富，不過午市套餐就有跟嘢飲，我哋就冇特別另外嗌。我同友人分別各自叫咗一碗麵，我嗌嘅就係養生藥膳牛肉湯麵，朋友鐘意食辣，就嗌咗個酸菜旺腸豬紅湯麵。藥膳湯嘅味道頗為清爽，帶少少藥材味，但有蔬菜嘅清甜，湯頭都幾暖身。有牛筋、牛肋肉同牛展三個不同嘅部位，牛肉炆得好軟滑，易入口。麵質唔會太淋，有一定彈性，不過溫度好高，食嘅時候要小心啲。朋友嘅酸菜旺腸豬紅湯麵，味道唔太辣，試咗少少佢嘅大腸同豬紅，都算入味。湯底味道濃，重口味嘅朋友不妨一試。個人口味嚟講，比較喜歡藥膳牛肉麵，因為而家天氣涼涼地，食完都幾暖身，同埋湯底清新唔油膩，份量唔少，食完都幾飽。
飲品選擇都幾豐富，不過午市套餐就有跟嘢飲，我哋就冇特別另外嗌。
我同友人分別各自叫咗一碗麵，我嗌嘅就係養生藥膳牛肉湯麵，朋友鐘意食辣，就嗌咗個酸菜旺腸豬紅湯麵。
藥膳湯嘅味道頗為清爽，帶少少藥材味，但有蔬菜嘅清甜，湯頭都幾暖身。
有牛筋、牛肋肉同牛展三個不同嘅部位，牛肉炆得好軟滑，易入口。麵質唔會太淋，有一定彈性，不過溫度好高，食嘅時候要小心啲。
朋友嘅酸菜旺腸豬紅湯麵，味道唔太辣，試咗少少佢嘅大腸同豬紅，都算入味。湯底味道濃，重口味嘅朋友不妨一試。
個人口味嚟講，比較喜歡藥膳牛肉麵，因為而家天氣涼涼地，食完都幾暖身，同埋湯底清新唔油膩，份量唔少，食完都幾飽。
張貼
