尚素 (已結業)

晚餐老公話想食多d菜，搵搵下搵左呢晚素食店，未夠六點入座，全場得我地一枱包場。望一望餐牌價錢都唔平，最後叫左個二人餐一家三口食。頭盆係一個類似撈起既冷盆，味道好清，個樣食材都有唔同既質感，味道好好。跟住上左個素尤魚，查實係炸豆腐乾來，我覺得太熱氣無咩食。仲有個炒菜，黄耳湯等等，都好清淡。d翠肉瓜炒得幾好。再上左個金錢包豆乳湯，呢個味道唔錯，好香豆香。埋單覺得有d貴，但食物質量係唔錯的。走個時一望已坐無虛席了。