影片
更多
2018-03-25
1331 瀏覽
小越廚較早前喺社交媒體見到呢一間小店嘅介紹，小店嘅魚露標榜係每日鮮製，將青檸汁，魚露、白醋等等調校好，再慢慢拌勻，實在非常有誠意。這間平民小店是標榜南越的味道，味道較為清新，味道平衡，不會太酸或太鹹。牛油果奶昔＄25牛油果奶昔，真係好足料，牛油果同牛奶拌勻之後，非常creamy。牛油果飲品之中，最喜愛是牛油果奶昔，對比起較早前在其他食店飲過牛油果咖啡，更加喜歡牛油果奶昔呢。又香濃，又能喝出牛油果的味道。越南滴滴咖啡＄25個人唔鍾意飲咖啡，因為覺得好苦，不過越南咖啡就例外，因為越南咖啡配上煉奶底，咖啡好香濃，不過一啲都唔苦澀，都幾容易入口。當越南咖啡，店員仲好細心提我地先將熱嘅滴漏咖啡攪拌，然後到進冰杯，便立即成為一杯冰凍有香濃嘅越南咖啡。蟹膏河粉（番茄湯底配蟹膏、扎肉、豬紅、豆粕） ＄48呢碗河粉，性價比非常之高，起初以為好細碗，原來份量都好大，上檯嘅時候非常吸引，上面鋪滿蟹膏，呷一啖湯，湯底好濃郁嘅蕃茄和蟹味，味道亦鮮甜，原來湯底用了番茄、三點蟹、豬骨、海蝦、蝦米熬煮了兩小時，再加上魚露調味，難怪鮮甜濃郁。由於我同朋友都唔太鍾意食豬紅和豆卜，餐廳非常貼心，還可以加錢追加溫泉蛋、香茅豬
較早前喺社交媒體見到呢一間小店嘅介紹，小店嘅魚露標榜係每日鮮製，將青檸汁，魚露、白醋等等調校好，再慢慢拌勻，實在非常有誠意。
這間平民小店是標榜南越的味道，味道較為清新，味道平衡，不會太酸或太鹹。
牛油果奶昔＄25
牛油果奶昔，真係好足料，牛油果同牛奶拌勻之後，非常creamy。牛油果飲品之中，最喜愛是牛油果奶昔，對比起較早前在其他食店飲過牛油果咖啡，更加喜歡牛油果奶昔呢。又香濃，又能喝出牛油果的味道。
越南滴滴咖啡＄25
個人唔鍾意飲咖啡，因為覺得好苦，不過越南咖啡就例外，因為越南咖啡配上煉奶底，咖啡好香濃，不過一啲都唔苦澀，都幾容易入口。
當越南咖啡，店員仲好細心提我地先將熱嘅滴漏咖啡攪拌，然後到進冰杯，便立即成為一杯冰凍有香濃嘅越南咖啡。
蟹膏河粉（番茄湯底配蟹膏、扎肉、豬紅、豆粕） ＄48
呢碗河粉，性價比非常之高，起初以為好細碗，原來份量都好大，上檯嘅時候非常吸引，上面鋪滿蟹膏，呷一啖湯，湯底好濃郁嘅蕃茄和蟹味，味道亦鮮甜，原來湯底用了番茄、三點蟹、豬骨、海蝦、蝦米熬煮了兩小時，再加上魚露調味，難怪鮮甜濃郁。由於我同朋友都唔太鍾意食豬紅和豆卜，餐廳非常貼心，還可以加錢追加溫泉蛋、香茅豬肉、香茅肉、雞絲、豬肉丸等等。
最後我哋加左＄12 雙拼，包括香茅肉和魚露雞翼。香茅牛肉，其實係肥牛，都有差唔多有四塊咁多，性價比非常高。
扎肉米紙卷＄35
本來我和朋友想點選咪只蝦卷，可惜這天晚上要售罄了，改為扎肉米紙卷，非常健康之選，入邊包含着新鮮嘅生菜，粉絲，紅蘿蔔等，不過不失，味道清新配合特製嘅醬料， 整體不錯。
越式蔗𧎚三件＄35
這個小食，亦是性價比非常高。每一條都有手指般嘅長度，蝦肉幾爽口彈牙，整個菜式不過不失，沒有令人失望。
叫到一枱嘅食物，只係＄200 ,實在係非常之抵。
張貼
