梓沐村 (已結業)

岩岩睇完戲咁就順便搵食，見到麗新商場1樓好似番新左，咁就試下台日特色休閒餐廳梓沐村，呢間主打食台日式料理，可以選擇唔同的熱盤同冷盤，而整體味道都幾家庭式，份量又大，以下係推介之一。<招牌腐乳鹽酥雞>基本上呢款係必叫，鹽酥雞唔會話炸得好熱氣，但雞肉夠Juicy，最特別係滲透陣陣腐乳鹹香的味道，夠晒惹味。另外唔會好大舊，可以每次一口就食得晒<馬鈴薯燉牛肉>一上枱已經覺得材料豐富，有至少6-7舊薯仔同埋紅蘿蔔，唔會話燉到冧晒，仲維持到口感。而牛肉就用日式肥牛，配上醬油都幾好餸飯。<單骨芝麻雞翼>單骨芝麻雞翼又係另一必點料理，已經是限定的菜式。雞翼就算單骨都好大隻多肉，本身已經有用特製醬汁餣過，食完有淡淡芝麻味<日式奶油燉菜>最後推介日式奶油燉菜，一開始會驚好Heavy或者膩，不過呢度處理得好好，奶油醬汁的質感唔會好杰身，味道亦唔會只有單調的奶油味，而蔬菜款式亦選擇得好好，係好容易入味的款式。<日式醬油蛋伴飯>白飯方面亦可以加錢升級為日式醬油蛋伴飯，一睇蛋黃顏色就知道係使用日本蛋，加上日式醬油，就咁撈飯已經好好味!