添福小食 (已結業)

終於終於黎到添福，講左4個月喇喂(笑) 明明距離這麼近，冇辦法啦，之前好多人支持佢地，一係就撞著關門，一係就賣哂平日開門冇耐，喺公司行到黎，都有小人龍。佢地只做外賣，小店一間。食物即製，都等左十零分鐘；同好多人一樣，我地買完都係拎去對面球場看台食，而家涼涼地，唔難受。除左巨無霸、漢堡，仲有多款港式小食，魚蛋、燒賣、炸物等，一律單點，價錢都好大眾化，唔洗下下去快餐店。芝士黑椒牛肉漢堡 $23漢堡極熱辣辣，芝士溶化，包身軟熟，手打牛肉排名符其實，肉味明顯，帶黑椒香，保留肉汁，加埋茄汁，點會唔好食炸雞脾 $21炸雞脾驚喜，香脆唔會流哂油，雞肉完全唔乾唔鞋，抵食！炸薯條 $23/黑松露醬粗身薯條即炸，外層微微脆，啖啖薯肉，黑松露沙律醬稍淡。菠蘿梳打 $18最近冇咁多人，可以去多幾次