笑酤和味炭燒 (The Pulse) (已結業)

前幾日突然之間心血來潮，想去淺水灣行吓，因為細個嘅時候夏天通常都會嚟淺水灣泳灘游泳🏊‍♀️淺水灣環境依然都係咁優美，不過同細個唔同嘅，就係多咗個商場同埋多咗好多唔同種類食肆，行完沙灘之後就當然係醫肚啦，見到呢間食館個名都幾特別，叫笑酤和味炭燒，但原來佢係日本居酒屋嚟嘅，主要食日本菜同刺身。而佢仲有lunch set添，佢嘅lunch set會跟埋一個雜菜沙律🥗或者薯蓉雜菜沙律，麵豉湯，日本米飯或者烏冬。備長炭M5和牛炭燒味濃郁，一食就知係和牛，真材實料，分量十足，放落口有溶化嘅感覺👍🏻配埋佢嘅醬料酸酸哋，特別開胃。三文魚牛油果井三文魚🍣切到一粒粒，牛油果同三文魚嘅份量造成對比🆚一淡牛油果加三文魚，食落口感獨特。刺身定食每一件都大大嚿，又厚又實，有三文魚，吞拿魚，帶子，油甘魚，每款都有兩件，仲有海蝦刺身。暖胃特式茶茉莉綠茶🍵香味濃郁嘅茉莉，飲落口仲有綠茶嘅味道粉紅玫瑰🌹花茶（冇咖啡因）大大壺，玫瑰味濃郁，仲有用好靚嘅茶具。⭐⭐⭐⭐⭐⭐🍴🍴 餐廳：笑酤和味炭燒地址：淺水灣海灘道28號The Pulse1樓109號 #淺水灣美食#日本菜 #居酒屋 hk#炭燒