笑酤和味炭燒 (The Pulse) (已結業)

今日下午風和日麗，所以決定去淺水灣行下。喺沙灘旁邊有幾間餐廳，我哋見有日本餐就入去試下啦。Lunch set 有好多選擇，價錢唔算平，但喺淺水灣地段都合理。吉烈豬丼定食（$128）- 份量好大，啲吉烈豬扒炸得好鬆脆，而肉質仲保持到juicy。加埋滑蛋同洋蔥，味道非常之夾。和牛烏冬、葱吞拿魚腩小卷、餃子（$258）- 一次過滿足晒三個願望嘅套餐～和牛嘅牛脂味真係好濃郁，食落一啲都唔韌，而個烏冬都好爽滑。估唔到個葱吞拿魚腩小卷有六件咁多，吞拿魚腩仲好香滑同鮮甜。餃子就有三件，煎到表面微脆。我哋除咗嗌套餐，仲單點咗壽司同串燒。三文魚芝士卷（$188）- 三文魚好新鮮，仲一啲渣都無。原來仲有牛油果係入面，好高質。燒海鰻（$109）- 依一條嚟講真係有啲貴，不過有驚喜。本來以為會好似蒲燒鰻魚咁嘅狀態，點知原來係原始燒烤，更能食出鰻魚嘅原汁原味。雞軟骨（$68）- 熱辣辣又脆口，真係好好食，加埋啲檸檬汁酸酸地更醒胃燒黑豚腩（$68）- 唔會燒到乾曬，仲保留住juicySapporo生啤（$88）炎炎夏日加上日本美食，當然要配杯生啤先爽啦。