紅車厘麵包西餅

營業中

休息中

作為木嘴，自然物以類聚都有一班木嘴朋友。呢日為左其中一個朋友既生日我就買個cake俾佢啦。 呀，可能有朋友無睇過木嘴我既食評，提返大家本人對食物既要求為零，只係comment到好食同唔好食，個個都係食神，唔通個個都真係食神咩。慶左咁多年仲有咩蛋糕揀姐，木嘴班朋友基本上次次都係買個東海堂就算鬼數，無心思無驚喜，反正大家見到咩cake都係餓狗搶屎，食完之後個個大嗌好飽，從來都唔comment食物既味道。本身今日都係諗住求其買個東海堂比佢算，點知經過呢間紅車厘，個名雖然娘娘地，但d cake賣相都唔錯，重點係平過東海堂好鬼多。大佬月頭出左糧幾日就變糧尾嫁啦，依家黎到月中銀包已經無乜貨，既然係咁就挑戰下班木嘴朋友既底線，買個芒果蛋糕黎試下。 食完，都ok既，芒果幾甜，中間係海綿蛋糕，食得飽7個木嘴之餘，仲有一大舊剩返無人問津添問你死未。建議大家糧尾既時候考慮下呢個蛋糕，食極唔完，性價比一流。