倫哥火鍋私房菜 (已結業)

一班人聚舊食乜好？又要食得好，又要傾到計，呢度就啱晒你啦！平時中式打邊爐，比張圓台你，同對面嗰個實冇交流啦。呢度又唔同喎，我哋一行八人，俾張長枱，四個四個對住坐，可以照顧哂每一個！首先每人一宗燉湯，蟲草雞呀，夠晒滋補，仲好有派頭！之後有鮑魚仔做小食，永冇失禮！雞煲，非常之香，啲雞好入味。侍應會教你點樣煮先好食，要計埋時架，包你唔會煮過龍，好認真！所有海鮮都好新鮮，好鮮甜！蟹煲個湯底都不得了，完全比足料，又有蟹膏！肥牛仲誇張，肥瘦分明，淨係睇顏色都只係靚嘢，入口即溶，上等牛肉也！汽水係任飲嘅，自己拎。飲品都多選擇，連自家涼茶都有差啲講留咗個甜品，燕窩燉奶，好有貴氣呀