任你點車仔麵 (已結業)

今日已經係第二次幫襯任你點。印象記得呢間野應該都開咗大約一年，新開張嘅時候完全冇諗過入去幫襯，因為係門口見到個餐牌已經覺得好暈。但有一日好想食糖心蛋就俾次機會佢左入去。店內所有員工都好有禮貌，要讚👍🏼今次係第二次幫襯，湯底個腩汁辣辣地，由於小妹唔辣得，但又覺得好野味，所以一路食一路飲水。今日嗌咗花膠，女士至愛，當然唔係上盛花膠啦，食咗乜膠其實我都唔知😝 總之係好味。豬頸肉用咗滷水去腌，好入味，好大嚿，絕對唔係薄切，豬紅亦都有好多粒。呢一間車仔麵比起鄰近嗰一間排晒長龍嘅，我覺得絕對值得幫襯！一個女仔嗌三送係會抱住個肚走。