金銘潮州粉麵餐廳 (已結業)

從fb 群組得知金銘喺深水埗開分店，一直心心念念想黎試下。好鍾情食d 高質的潮州粉麵，唔好以為好簡單，要好食真係要留意好多細節位。深水埗好多美食，咩類型嘅食店都有，依間潮州粉麵店，除咗有傳統的牛類，丸餃類的粉麵，仲有d中式的飯類，湯飯等，滿足一家大細不同需要。減肥嘅，就食個魚蛋米。勞碌左一日，要食得飽，熱情推介牛筋飯，分量多，蘿蔔又甜又林。今次屋企人叫咗牛筋飯，我嗌咗生菜牛六寶麵。牛筋飯唔補充，上面講咗。牛六寶麵都幾驚喜，一嚟就試一試個湯底，湯底好有牛味，最後當然飲晒。六寶係有牛腩，牛筋，金錢肚，沙瓜，牛腸，牛膀。香，濃，滑，爽。下次會再encore!仲有個好特別嘅，佢有自家制的菊花茶，有家的味道，因為，唔會死甜，清清地，好養生。