金銘潮州粉麵餐廳

營業中

休息中

首先是服務態度不錯，我們在門口看看時就被邀請了入去，就潮州粉麵來說，卡位算是相當舒適了，衛生也是可以的。我們叫了魚餃粗及魚蛋河，口味都是傳統，份量也是常規輸出。就部分的座位設計，估計中午是非常多人來的。另外也叫了一客腐乳通菜，HK$18 是相當經濟，鹹味也是適當的。離開前店員提示留意個人物品，覺得這個提示非常溫馨及用心。要是再經過附近，也會再次幫襯。估計是家族生意，所以小二們工作都幾認真及主動，不是連鎖店的姨姨態度。

當我一入店就看見到18元一碟炸魚皮，就抱住試一試的心態，上枱都真的大碟又香又脆，不錯。令到我會對自己碗牛雜河粉有少少期待。牛雜河的牛肚，牛腸及牛肺都沒有花椒八角味，只是鹹味，鹵水包不是很到位。河粉就黏在一起，用筷子令河粉鬆散也不容易。個湯底都值得一讚應該，吃飽不口乾，應該沒有味精。另一碗是雲吞河粉，雲吞皮太厚，一口咬落下去有點像未完全煮熟，但餡是足料的。兩個人都只是幾十蚊的話都算便宜，久不久都可以來嘗嘗。

前幾天叫外賣，收銀啊姐態度惡劣，收錢時已經黑口黑面，我叫了咖喱牛腩飯想要多少少汁，佢就鬧我叫我一次過講，話入咗機，其實過程相差10秒。我覺得而家飲食業咁困難，其實服務態度好緊要，如果真係入咗機，咁近廚房都可以同佢哋講聲就可以，再者，如果真係唔得，都可以客氣啲講，唔需要搵客人出氣。其實我全程都係保持良好態度同個收銀阿姐講，不過佢嘅態度就每況愈下，越嚟越惡劣，我感覺好似唔優做咁，希望金銘茶餐廳可以正視呢個問題，令到我哋身為顧客都可以幫襯得開心，食得放心。

自細係石硤尾長大，見住呢度嘅變化… 曾經呢度係匯豐銀行，後來出現過三上排晒長龍嘅日本料理，到依家又出現咗一間好正嘅潮州粉麵！一直在尋找新鮮無添加味精防腐劑嘅軟淋淋魚旦去代替我以前最愛係廣華街許榮記嘅魚旦，終於係呢度搵番值得我去推介又新鮮又無味精嘅魚旦粉！希望可以長存深水埗！佢比九龍城德X好，唔會死咸，我而家已經進化成刁鑽嘅食家！食嘢講求健康又要好味呢樣緊要！手工魚旦已經唔係度度有，呢啲仲係手git魚旦，心機制作嘅香港嘢，呢啲真功夫唔知仲有幾多年可以食到，絕對值得支持，值得細味品嘗。

深水埗真係有好多好多性價比超高又好食嘅平民美食😋今次想介紹呢一間又係我嘅飯堂系列之一🤭因為真係性價比超高👍🏻好食又抵食大大碗之選！- 🐮蘿蔔崩沙腩米線 / $52佢哋嘅崩沙腩會偏硬身少少，亦都可以揀返其他麵底選擇，但我就比較鍾意佢哋嘅米線底好煙靭爽口唔會煮得太過腍身👌🏻腩汁湯底偏濃重口味少少。蘿蔔大大嚿煮腍晒入晒味😋非常清甜- 🍹佢哋杯凍檸茶茶底都好好飲❤️🍋 / $8 加配價- 🐟炸魚片都係每次去都必點 / $18- 🥬仲有油菜芥蘭 / $18 之前仲試過佢哋嘅雲吞都好好食😋皮薄餡料大嚿👍🏻

here i tell you how to distinguish a post is fighter or not (打手）。 here we can have free meal but u hv to give a yummy reveal no matter how bad disguisting the food is.restaurant can pay for this service hire ppl to write post, they can also pay for deletion of bad comment. thats is the how ugly marketing we living in everyday.how to distinguish? by golden ratio rule.for those real resto no hiring. eg. michilin stars resto😋vs🙂vs🤮 must be 10 : 5 : 2for those pay for fighters.😋vs🙂vs🤮 must be 500: 1

係冇錯！又係去黃店「金銘」食晚餐 ~我點的是，牛腩拼牛腸米粉 ~牛腩拼牛腸米粉：首先要講明，我點的是肥牛腩，肥牛腸！唔夠肥我唔食， 因為要夠肥先有油脂香，甘香，食落口就會知道 "豐腴甘香" 係乜嘢 ; 牛味濃香又軟綿的牛腩，還有充滿肥膏的牛腸， 配合香濃的牛腩汁湯 .... 如夢似幻也 ~嘩！咁樣三高喎 ..... 係我姓高，個名叫高本篤！話你知，我血壓低，血糖低，高乜嘢呀，人生無常，咁多驚恐症做乜？阿叔話你知：「由來食客皆壯烈，縱使犧牲也無言！」本篇完 ~

牛雜幼麵（$34）4片草肚、4舊腸、1舊肺、1片膀；麵底冇鹼水味，有彈性；湯底清得嚟夠味道（之後冇特別口渴）；仲有片生菜。整體合格。餐廳空間感足，坐得幾舒服。接受八達通。

我之前係油麻地食金銘粉麵，依家係深水埗開左又近自己，咁就要試下啦。見門外個餐牌價錢比出面貴少少，基本沙牛麵連熱飲就$30，但額外要方包同蛋/腸個d都要加$10，咁過得黎咪試下啦。叫左2餸粉麵餐(揀左墨魚丸同魚片頭) + 熱檸茶，一共$38。熱檸菜正常，墨魚丸平平無奇，魚片頭出奇地好味，食落有魚味同食得出係手打，唔係出面係急凍貨。最正嘅檯面有潮州冬菜任「筆」，加左粉麵到真係正好多。雖然價錢貴少少，不過都會有下次。

在深水埗有很多雲吞牛什麵店，最近在元洲街開了一間麵店，叫金銘潮州粉麵餐廳。入到店內左右兩邊牆有招牌手打魚蛋粉麵圖片，在其中一邊牆全是黑白相片，有一張更是當年金銘舊店的相片。今天叫了一碗雲吞麵，湯是鮮魚骨湯底，所以很好味，可以喝清光，雲吞的蝦和肉比例恰當，而且不會太細粒，麵很爽，所以不錯，每碗32元。不知是否新開張，伙記服務有禮周到，最難得見到收銀哥哥有笑容，對人客說你好，聽客人和收銀哥哥交談，說這間是第五間分店，希望繼續努力，保持食物水準。下次我想試蠔仔肉碎湯飯，期待。

從fb 群組得知金銘喺深水埗開分店，一直心心念念想黎試下。好鍾情食d 高質的潮州粉麵，唔好以為好簡單，要好食真係要留意好多細節位。深水埗好多美食，咩類型嘅食店都有，依間潮州粉麵店，除咗有傳統的牛類，丸餃類的粉麵，仲有d中式的飯類，湯飯等，滿足一家大細不同需要。減肥嘅，就食個魚蛋米。勞碌左一日，要食得飽，熱情推介牛筋飯，分量多，蘿蔔又甜又林。今次屋企人叫咗牛筋飯，我嗌咗生菜牛六寶麵。牛筋飯唔補充，上面講咗。牛六寶麵都幾驚喜，一嚟就試一試個湯底，湯底好有牛味，最後當然飲晒。六寶係有牛腩，牛筋，金錢肚，沙瓜，牛腸，牛膀。香，濃，滑，爽。下次會再encore!仲有個好特別嘅，佢有自家制的菊花茶，有家的味道，因為，唔會死甜，清清地，好養生。